Urad Litvy pastanaviŭ z 25 maja zabaranić prylot u krainu i adbyćcio ź Litvy samalotaŭ, maršrut jakich prachodzić nad terytoryjaj Biełarusi, piša Delfi.
Zabarona ŭstupaje ŭ siłu ŭ 00.00 25 maja 2021 hoda.
Premjer-ministr Litvy Inhryda Šymanicie skazała, što takoje rašeńnie prapanujecca dziela biaśpieki padarožnikaŭ. «Što tyčycca palotaŭ u Litvu i ź Litvy praz pavietranuju prastoru Biełarusi, niahledziačy na toje, što niekatoryja avijakampanii sami vyrašyli admianić takija paloty, dziela biaśpieki padarožnikaŭ prapanavana pryniać adpaviednaje rašeńnie ŭrada», — skazała Šymanicie.
Ministr transpartu i paviedamleńnia Marus Skuodzis rastłumačyŭ, što heta značyć. «Lubyja paloty ŭ Litvu i ź jaje praź Biełaruś zabaronienyja», — skazaŭ jon.
Kamientary