Alaksandr Franckievič, fota «Radyjo Svaboda»
Alaksandr Franckievič byŭ zatrymany 13 žniŭnia 2020 hoda. Jaho vinavaciać pa cełym šerahu kryminalnych artykułaŭ: arhanizacyja masavych biesparadkaŭ, udzieł u ich, finansavańnie, navučańnie, ci inšaja padrychtoŭka asob da ŭdziełu ŭ masavych biesparadkach, udzieł u złačynnaj arhanizacyi. Pravaabaroncy pryznali jaho palitviaźniem.
Franckievič užo byŭ asudžany: u 2011 hoda jaho pryznali vinavatym u kidańni kaktejlaŭ Mołatava ŭ budynak rasijskaj ambasady. Sam incydent adbyŭsia ŭ žniŭni 2010 hoda. Tady Franckievič vinu nie pryznaŭ, ale atrymaŭ 3 hady kałonii, termin adbyŭ całkam.
Taćciana, maci Alaksandra, nie vyklučaje, što novy artykuł mahli dadać i inšym fihurantam spravy: Andreju Čapiuku, Akichiru Hajeŭskamu-Chanadzie. Ale paćvierdžańnia hetamu pakul niama.
Sama žančyna rychtujecca da taho, što syna pasadziać i nadoŭha.
«Baču, jakija terminy dajuć, tamu ŭ suviazi z apošnimi navinami rychtujusia da horšaha.
Tym bolš Saša zatrymany druhi raz. Jašče ž viadoma, jak staviacca da anarchistaŭ — tamu, bajusia, ciapier buduć davać vialikija terminy», — kaža Taćciana.
