Razbłakavali rachunki troch biełaruskamoŭnych vydaŭcoŭ i raspaŭsiudnikaŭ
«Biełaruski knihazabor», «Januškievič» i Knihi.by sinchronna atrymali paviedamleńni pra mahčymaść iznoŭ karystacca bankaŭskimi rachunkami.
Sprava, jakaja była ŭspryniataja hramadskaściu jak pahrom biełaruskamoŭnych kulturnych asiarodkaŭ, vydychłasia. 8 červienia stała viadoma pra razbłakavańnie bankaŭskich rachunkaŭ dvuch vydaviectvaŭ i adnaho kniharaspaŭsiudnika. Abjadnoŭvała try hetyja pradpryjemstvy tolki adno: jany vypuskali i pradavali biełaruskamoŭnyja knihi, nivodzin ź ich nie zajmaŭsia hramadska-palityčnaj pradukcyjaj. Usie troje pracavali bieź dziaržaŭnych datacyj.
«Ź siońnia ŭ nas znoŭ zapracavała apłata anłajn (bankaŭskaj kartkaj i ARIP), budzie pakrysie adkryvacca paštovaja dastaŭka za miažu. Bankaŭskija rachunki stali dastupnyja dla pracy, my paśpieli za siońnia zapłacić drukarniam u roznych krainach za druk, a pravaŭładalnikam — za licenzii. Čakajcie dobrych navin!» — paviedamiŭ učora telehram-kanał vydaviectva «Januškievič».
«146 dzion finansavaj błakady «Knihazbor» vytrymaŭ! Rachunki razbłakavali. Dniami supracoŭniki atrymajuć pieršy zarobak u 2021!» — napisaŭ u fejsbuku Hienik Viniarski, i hety dopis sabraŭ sotni łajkaŭ i repostaŭ.
Ale pry hetym Departamient finansavych rasśledavańniaŭ Kamiteta dziaržkantrolu dahetul nie viarnuŭ kniharni Knihi.by zabranuju «dla pravierki» pradukcyju.
Prabačeńni za toje, što adbyłosia, biełaruskamoŭnym vydaŭcam nichto nie prynios, pra vypłatu kampiensacyi za finansavyja straty taksama niama havorki.
Ciapier čytajuć
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ7
Vinakurniu Lubanskaha ŭ Minsku zakryŭ sakretny hmach, dzie zaprajektavanyja kabiniety dla dopytaŭ i pamiaškańnie dla spalvańnia dakumientaŭ
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1818
Kamientary