Izrail staŭ pieršaj krainaj u śviecie, jakaja zabaraniła prodaž futra
Izrail staŭ pieršaj u śviecie krainaj, jakaja zabaraniła prodaž futra žyvioł dla industryi adzieńnia. Adpaviedny dakumient padpisała ministr achovy navakolnaha asiarodździa krainy Hiła Himliel.
Jak paviedamlaje Jerusalem Post, zabarona ŭstupić u siłu praz šeść miesiacaŭ.
«Industryja futra stanovicca pryčynaj hibieli sotniaŭ miljonaŭ žyvioł pa ŭsim śviecie, nieapisalnaj žorstkaści i pakut», — zajaviła jana, nazvaŭšy vykarystańnie futra i skury žyvioł amaralnym i zališnim.
Himliel taksama vykazała nadzieju, što pryniataje rašeńnie zrobić izrailski rynak mody bolš ekałahična čystym.
Takim čynam Izrail pieršym u śviecie zabaraniaje prodaž vyrabaŭ z futra ŭ maštabach usioj dziaržavy. Na rehijanalnym uzroŭni takuju zabaronu pieršaj uviała Kalifornija ŭ 2019 hodzie.
Kamientary