Horad Sonca-2
Vyjšaŭ novy numar časopisa «Partyzan».
Ludzi mastactva i architektury, jakija zhurtavalisia vakoł časopisa «Partyzan», u temie adnaŭleńnia staroj mienskaj zabudovy pierajšli kali nie ad słovaŭ da spravy, dyk prynamsi ad słovaŭ da słovaŭ pa spravie. Centralnaja miesca novaha, 9-ha, numaru hetaha almanachu sučasnaje kultury zajmaje intervju sa stvaralnikam alternatyŭnaha płanu pa rekanstrukcyi staroha Miensku Ŭładzimiram Papruham.
Što takoje płan Papruhi? Heta prahrama ŭznaŭleńnia horadu, što maje na mecie nie dać Minsku kančatkova zrabicca «adnoj vialikaj transpartnaj raźviazkaj i adnym sucelnym parkinham dla aŭtamabilaŭ»: pieranakiravać staryja transpartnyja vosi – hałoŭnych škodnikaŭ histaryčnaj zabudovy, a taksama zachavać histaryčnyja budynki i adnavić stračanyja. Ale, peŭna, samaje cikavaje ŭ hetym płanie, heta, toje jaho, što jaho pryniali dla razhladu “naviersie». Pavodle samoha Papruhi haradskija ŭłady atrymali jaho prapanovy i, ci nie ŭpieršyniu za apošnija 20 hadoŭ prysłuchaŭšysia da mierkavańniaŭ prafiesijnych architektaraŭ, pryniali sioje-toje kali nie da vykanańnia, dyk prynamsi da ŭvahi. U intervju - detali ambitnaha płana.
Akramia hutarki, jak zrabić horad pryhožym, u tym samym numary Michał Aniempadystaŭ razvažaje pra draŭlanuju zabudovu stalicy, a Siarhiej Chareŭski raspaviadaje pra minskija parki.
«…My adrościm irakiez prosta ŭ Starym horadzie. Pabudujem tamaka vializarnyja rohi i ŭpryhožym ich šklanymi tatuiroŭkami, a kab ništo nie pieraškadžała hetamu charastvu, adpiłujem sabie vušy, naprykład, źniasiem Muziej vajny…» Heta nie vytrymaŭ Artur Klinaŭ: krychu nasupierak anansavanym u pačatku numaru słovach pa spravie ŭsio ž zrabiŭ źjedlivuju refleksiju «Horad i šnary» na temu stalicabudavańnia.
...i jašče
Jašče ŭ centry ŭvahi novaha «Partyzana» mastackaja halereja «Padziemka» - takaja sabie spravazdača z vystaŭlanaha za 2008 hod (ź ilustracyjami). Jak chto što prapuściŭ, to ŭ materyjale Lizaviety Michalčuk jość na što pahladzieć: asabliva na fotapartrety biełaruskich kabiet ź inšaziemnymi hlancavanymi fotamadelkami na tle, aŭtarstva Julii Lejdzik.
Na zakusku: adzin z udzielnikaŭ Teatru psichičnaj nieŭraŭnavažanaści, performier i litaratar Illa Sin daje ce-u, jak pravilna ładzić perfomans, a Jan Mauzier paziruje dla niehliže-siesii.
«Partyzan». Almanach sučasnaje biełaruskaje kultury. Vypusk 9. 2009.
Lavon K.
P.S. Pavodle «partyzanskaha» intervju sa staršyniom Biełaruskaha dabraachvotnaha tavarystva achovy pomnikaŭ Antonam Astapovičam, padajem 5 abjektaŭ, pabudavanych u histaryčnym centry Minsku z parušeńniem zakonu:
1. Pravasłaŭny kompleks pa vuł. Handlovaj, 27.
2. Parkinh na Niamizie.
3. Druhaja častka parkinha na Niamizie.
4. Ofisny budynak na Revalucyjnaj, 17.
5. 30-paviarchovy ofisny budynak na zamčyščy (na miescy kaviarni «Rečańka»).
Poŭny Top-10 nie vielmi zakonnych pabudovaŭ čytajcie ŭ novym numary «Partyzana».
