Siarod apošnich — KDB, unutranyja vojski, UUS Bresckaha abłvykankama, CIP na Akreścina i HUBAZiK.
Eks-kiraŭnik HUBAZiKa, a ciapier kiraŭnik unutranych vojskaŭ MUS Mikałaj Karpiankoŭ (z dubinkaj) padčas adnoj z akcyj pratestu.
Adnosna sankcyj suprać fizičnych asobaŭ usio bolš-mienš zrazumieła, jany prymianiajucca ŭžo nie ŭpieršyniu. Ale mała kamu jasna, jak buduć dziejničać amierykanskija sankcyi suprać siłavych struktur, takoha raniej jašče nie byvała. Pa tłumačeńnie «Naša Niva» źviarnułasia da palitołaha Andreja Jelisiejeva.
«Asobam i arhanizacyjam z hetaha amierykanskaha śpisu stanie vielmi ciažka vieści mižnarodnuju aktyŭnaść, asabliva źviazanuju z tranzakcyjami ŭ amierykanskich dalarach. Umoŭna kažučy, kali KDB mieŭsia zaklučyć kantrakt na kuplu niejkaha technałahičnaha abstalavańnia, naprykład, ź Izraila, to padobnyja sankcyi adrazajuć takuju mahčymaść.
Da taho ž dziejničaje tak zvanaje «praviła 50 pracentaŭ»: kali asoba albo kampanija sa śpisu prynamsi na pałovu vałodaje niejkaj kampanijaj, to dziejańnie sankcyj pašyrajecca i na jaje. Kali taja, u svaju čarhu, na pałovu vałodaje treciaj kampanijaj, to pad finansavyja sankcyi traplaje i taja, i tak dalej u łancužku. Takim čynam, sapraŭdnaja kolkaść kampanij, zakranutych sankcyjami i nie abaznačanych u sankcyjnym rašeńni, moža navat pieravyšać kolkaść fiz- i jurasobaŭ u publičnym śpisie».
