Kala kryža ŭnačy z 2 na 3 lipienia
Padčas uračystaściej u Budsłavie pierad Nacyjanalnym sanktuaryjem Maci Božaj Budsłaŭskaj byŭ vystaŭleny kryž, vyrableny z abharełych belek i frahmientaŭ miedzi z dachu śviatyni, źniščanaha pažaram 11 maja.
Pierad kryžam źmieščana tablička z nadpisam: «Bol i achviara. Kryž zrobleny z histaryčnych abvuhlenych belek zharełaha dachu Budsłaŭskaj bazyliki».
Pobač znachodzicca jašče adzin kryž z nazvaju «Pamiać i ŭdziačnaść», jaki da pažaru zachoŭvaŭsia za hałoŭnym ałtarom śviatyni. Jon byŭ zrobleny ŭ 2007 hodzie ŭ Vilni z histaryčnych belek, źniatych z dachu vilenskaha klaštara ajcoŭ bernardynaŭ, pabudavanaha ŭ 1507 hodzie pobač z kaściołam śviatoj Hanny.
Hetyja belki byli vyčasany z drevaŭ, jakija bolš za piaćsot hadoŭ tamu raśli ŭ puščy na bierahach raki Servač, dzie manachi dla ich narychtoŭki zasnavali pasielišča z «budaŭ», heta značyć budanoŭ, šałašoŭ — siońniašni Budsłaŭ.
Bernardyny spłaŭlali draŭninu pa Servačy i inšych rečkach u Viliju, a pa joj — u Vilniu, dzie jaje vykarystoŭvali dla budaŭnictva klaštara.
Padčas jaho restaŭracyi na pačatku XXI stahodździa častka belek była zamieniena, a z histaryčnaha dreva byŭ zrobleny kryž, jaki ŭ honar 500-hodździa Budsłava na matornych łodkach dastavili ŭ nacyjanalny sanktuaryj.
Kryž z abvuhlenych belek z dachu bazyliki formaj i pamierami paŭtaraje kryž, pryviezieny ź Vilni.
Pilihrymy źbirali hrošy na adbudovu Budsłava. Ahulnaja ličba sabranych hrošaj nabližajecca da miljona rubloŭ.