«U vypadku ź internet-placoŭkaj havorka idzie pra fiktyŭny prodaž IP častki majomaści firmy, — skazała viadučaja ŭ efiry. — Dalej hetaja ž nieruchomaść i inšyja aktyvy nibyta arandavalisia. Rabiłasia heta, kab unieści amal miljon rubloŭ za arendu ŭ buchhałtarski ŭlik. Jak śledstva — zekanomić na padatkach bolš za 172 tysiačy rubloŭ».
U efiry pakazali kadry «apieratyŭnaj zdymki», na jakich Pavieł Matusievič, suzasnavalnik TAA «Tryavist», tłumačyć situacyju z padatkami.
«Što tyčycca padatkaabkładańnia mianie jak IP, to tut ja pa niaŭvažlivaści ŭpuściŭ, što źjaŭlajusia praktyčna afilavanaj asobaj kampanii «Tryavist», tamu nie padumaŭ dać ukazańnie hałoŭnamu buchhałtaru ličyć padatkovuju staŭku jak dla afilavanych asob, a nie jak dla zvyčajnych. Adpaviedna praz heta z momantu nabyćcia ofisa i da kanca 2020 hoda ja niedapłačvaŭ padatak pa sproščanaj sistemie padatkaabkładańnia, bo ŭžyvałasia staŭka nie 16%, a 5%».
