«A nijakich pieramovaŭ nie budzie. Pieramovy — heta kapitulacyja. Na inšyja pieramovy nichto nie pojdzie. A kali ŭsich raździarbaniać, to i pieramoŭ nijakich nie treba budzie. Treba razumieć psichałohiju čynoŭnikaŭ.
Lubaja libieralizacyja dla Łukašenki siońnia — heta pramaja pahroza, tamu i bambiać usie miedyja, analitykaŭ i inšych. Jon razumieje, što viertykal pajšła chistacca. Bo čynoŭniki taksama čytajuć alternatyŭnyja miedyja, umiejuć dumać.
Voś navat niadaŭniaje vystupleńnie na naradzie z supracoŭnikami i MZS, dzie Łukašenka zajaŭlaje dypłamatam: «Ci vy z narodam, krainaj, prezidentam, ci takija kadry krainie niepatrebnyja». Heta nie prosta tak było skazana. Niekatoryja nie razumiejuć, što asnoŭnaje razłažeńnie idzie ŭ sistemie ŭłady. Praces, moža, pavolna, ale idzie».
