Małady čałaviek byŭ špitalizavany z šeraham traŭmaŭ, pieranios niekalki apieracyj i zaraz prachodzić lačeńnie ambułatorna.
Jak vyśvietlili ekśpierty, asnoŭnym zaradam vybuchu było bryzantnaje rečyva na asnovie traciłu. Na miescy samarobnaj vybuchovaj pryłady byli vyjaŭlenyja arkušy z kanśpiektami, u jakija jaho zaharnuli, paviedamlajuć «Minsk-naviny».
Hetyja arkušy dazvolili zvuzić koła padazravanych: byli vyznačanyja navučalnaja ŭstanova, kurs i kankretnaja vučebnaja hrupa. U vyniku ŭ jakaści padazravanych byli zatrymanyja troje maładych ludziej va ŭzroście 18 i 20 hadoŭ z roznych VNU.
SK zaznačaje, što padazravanyja datyčnyja da vyrabu vybuchovych pryład roznaj mahutnaści i ažyćciaŭleńnia vybuchaŭ u Minsku i rajonie.
Doma ŭ ich praviedzienyja pieratrusy, kanfiskavanyja roznyja vadkaści i paraškapadobnyja rečyvy, kołby, elektronnyja šali i inšyja pradmiety, pa jakich buduć praviedzieny kryminalistyčnyja ekśpiertyzy.
Padazravanyja znachodziacca pad vartaj, rasśledavańnie kryminalnaj spravy idzie pa pa č. 2 art. 295 (Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ) KK.
