«Stužački — heta druhasna, nam patrebny hałovy». Hałasy, padobnyja da Ejsmant i Bałaby, cynična abmiarkoŭvać abłavy na dvary
U sieciva vykłali aŭdyjazapisy razmoŭ, dzie hałasy, padobnyja da pres-sakratarki Łukašenka Natalli Ejsmant i kamandzira minskaha AMAP Dźmitryja Bałaby, płanujuć abłavy na dvary.
Śćviardžajecca, što razmova adbyłasia 2 listapada 2020 hoda. Padčas jaje abmiarkoŭvajecca, jak kampanija pajedzie ŭ samy žorstki dvor, a siłaviki ich buduć padstrachoŭvać. Siarod «prablemnych» miescaŭ nazyvajecca Miehapolis, Kaskad, Płošča Pieramien. U toj viečar hrupa pa zrazańni stužak pajechała da taŭnchaŭsaŭ na Starazasłaŭskaj trasie, a paśla — u Novuju Baravuju.
Paražaje cyničnaść razmoŭ. Voś niekalki vytrymak.
«Ja spadziajusia, što palavańnie vaša siońnia budzie ŭdałym. Ale ž my taksama nie siadzim na miescy», — zyčyć hołas, padobny da Bałaby.
***
«Ja i kažu, što heta [zmahary] vymirajučy vid», — kaža mužčynski hołas.
«Nu štości treba zrabić, davajcie ich jak-niebudź vyciahvać», — prapanuje žanočy.
«Davajcie zahonnaje palavańnie».
***
«Stužački — heta ž druhasna, nam patrebny hałovy», — śmiajecca hołas, padobny da pres-sakratarki Łukašenka.
Heta nie pieršy vypadak, kali ŭ sieciva traplajuć aŭdyjozapisy z hołasam, padobnym da Ejsmant, dzie abmiarkoŭvajucca abłavy na dvary, žychary jakich padtrymlivali pieramieny ŭ Biełarusi i raźviešvali bčb-stužki, rabili patryjatyčnyja hrafici. Na adzin z takich źlivaŭ adreahavała KDB, zajaviŭšy, što heta była naŭmysnaja pravakacyja, kab vyjavić tych, chto arhanizoŭvaŭ biesparadki ŭ Biełarusi.
Na hety raz zapisy vykłała hrupa, jakaja nazyvaje siabie «kibierpartyzanami». Jany śćviardžajuć, što taksama ŭzłamali pašpartnuju bazu ź piersanalnymi danymi ŭsich hramadzian Biełarusi, bazu DAI, bazu «Biesparadki» (z danymi pa zatrymanych pa «narodnym» artykule 23.34), danyja sa špitalu MUS, bazu hałoŭnaha ŭpraŭleńnia kadraŭ MUS.
Siłaviki i dziaržaŭnyja ŚMI nijak nie kamientujuć situacyju, danych pra toje, što suprać «kibierpartyzanaŭ» zaviedziena kryminalnaja sprava, pakul niama.
-
U Minsku na miesiac abmiažujuć ruch pad mostam na płoščy Niezaležnaści
-
«Hetulki ŭsiaho cikavaha daviedaješsia sa sšytkaŭ»: małady nastaŭnik chimii staŭ papularnym u tyktoku
-
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
Ciapier čytajuć
Ad BNF da HRU. Chto takaja Natalla Sudlankova, jakoj čechi zahadali pakinuć krainu27
Kamientary