Siońnia ŭ miežach vizitu hienieralnaha dyrektara Mižnarodnaj arhanizacyi pa mihracyi (MAM) Uiljama Śvinha adbyłasia jaho sustreča ź ministram unutranych spraŭ Anatolem Kulašovym.
Vizit u Biełaruś źjaŭlajecca pieršym aficyjnym vizitam Śvinha na hetaj pasadzie. Jon patłumačyŭ heta tym, što supracoŭnictva ź Biełaruśsiu znachodzicca na vielmi vysokim uzroŭni i što pryjechaŭ, kab daviedacca, jakija jašče pierśpiektyvy supracoŭnictva mohuć adkrycca.
Pavodle Śvinha, u suviazi z tendencyjami sučasnaha śvietu, adnym z pryjarytetaŭ dla budučaha raźvićcia stanie pracoŭnaja mihracyja. U śniežni 2008 h. arhanizacyja abnarodavała paŭhadavuju spravazdaču pa pracoŭnaj mihracyi ŭ śviecie. Zhodna z vynikami,
na siońniašni momant mabilnych ludziej bolš, čym kali‑niebudź u historyi čałaviectva. Heta źjaŭlajecca vynikam pavieličeńnia chutkaści znosinaŭ, sučasnyja technałohii, vielmi tannyja taryfy na pieravozki. I bolš čym kali‑niebudź usia mihracyja źviazanaja z pracaŭładkavańniem. Tamu na sustrečy abmiarkoŭvalisia takija prablemy i śfiery supracoŭnictva jak prablema viartańnia emihrantaŭ na radzimu i siezonnaja mihracyja.
«My taksama chočam supracoŭničać z uładami i supracoŭničać ź Jeŭrapiejskim sajuzam u miežach prahramy Uschodniaha partniorstva», — adznačyŭ Śvinh.
U svaju čarhu Anatol Kulašoŭ paviedamiŭ, što dla vyrašeńnia prablemy mihracyi i handlu ludźmi patrebnaja padtrymka nie tolki ŭsich instytutaŭ dziaržaŭnaj ułady, ale taksama niaŭradavych arhanizacyj i hramadskich abjadnańniaŭ.
