Ukrainskaja praŭda
«Za dziesiać hadoŭ [majho prezidenctva] pamyłak było niamała. My ž usio rabili ŭpieršyniu, stvarajučy dziaržavu, — skazaŭ «Ukrainskaj praŭdzie» Leanid Kučma. — Pryčym ŭkrainskaja ekanomika była tolki askiepkam adzinaha haspadarčaha kompleksu SSSR. I dziejničać nam davodziłasia ŭ situacyi najvastrejšaha kryzisu, hłybokaha padzieńnia. Ale ž dali rady, kraina padniałasia».
«Kali ž brać nie kankretnyja ŭčynki i rašeńni, a bolš ahulny, stratehičny płan, to byli dźvie važnyja rečy, jakija ja niedaacaniŭ.
Pieršaja — heta našpihovanaść našaha palitykumu reštkami maskoŭskaj ahientury — i pramych «hebistaŭ», i ahientaŭ upłyvu. Ja navat ujavić nie moh, kolki «zakładak» (i ŭ pramym, i ŭ pieranosnym sensie) pakinuła tut na vysokim uzroŭni hetaja struktura. Viedaŭ by — dziejničaŭ by inakš», — skazaŭ eks-prezident Ukrainy.
«A druhaja reč, jakuju ja niedaacaniŭ — heta patencyjał ukrainskaj hramadzianskaj supolnaści. Jano ŭžo daŭno apiaredžvaje ŭładu, dakazvajučy heta ŭ samyja vostryja momanty sučasnaj historyi, ale ŭpieršyniu ja adčuŭ hetuju stałaść i hetuju enierhiju ŭ dni Majdanu», — pryznaŭ Kučma.
83-hadovy Leanid Kučma pryjšoŭ u palityku z pasady hienieralnaha dyrektara rakietabudaŭničaha zavoda. Kučma byŭ prezidentam Ukrainy ŭ 1994—2004 i syšoŭ, padparadkoŭvajučysia kanstytucyjnamu abmiežavańniu na kolkaść terminaŭ. Kali ŭ 2004 hodzie falsifikacyi na vybarach jaho pierajemnika pryviali da masavych pratestaŭ i pieršaha Majdanu, Kučma zaprasiŭ mižnarodnych pasiarednikaŭ dla dasiahnieńnia kampramisu. U vyniku byli praviedzienyja paŭtornyja vybary.
