Sprava ajcišnikaŭ PandaDoc spynienaja, bo fihuranty spłacili ŭron i kampiensacyju
Hienieralnaja prakuratura paviedamiła, na jakoj padstavie spynieny kryminalny pieraśled fihurantaŭ spravy PandaDoc. Apošnim na svabodu vyjšaŭ top-mieniedžar Viktar Kuŭščynaŭ, jakoha amal hod trymali ŭ SIZA. Inšyja fihuranty byli vyzvalenyja nieŭzabavie paśla sustrečy Łukašenki z palitviaźniami ŭ SIZA KDB. Sprava była spynienaja ŭ suviazi z dobraachvotnaj vypłataj škody i kampiensacyi — bolš jak 77 rubloŭ.
Nahadajem, pytańni da PandaDoc uźnikli paśla taho, jak zasnavalnik kampanii Mikita Mikada abviaściŭ, što hatovy dapamahać z navučańniem i pracaŭładkavańniem siłavikam, jakija admoviacca vykonvać złačynnyja zahady i piarojduć na bok naroda. Łukašenka publična krytykavaŭ Mikada, zajaŭlaŭ, što ŭ ZŠA, dzie toj žyvie, za takoje jaho b daŭno aryštavali.
Pa padobnaj schiemie — spłata ŭronu i 100% ad hetaj sumy ŭ jakaści kampiensacyi — vyjšli i fihuranty spravy «Pres-Kłuba». Praŭda, im pa patrabavańni śledstva jašče daviałosia napisać prašeńnie ab pamiłavańni na imia Łukašenki. Ci patrabavali taho ž ad ajcišnikaŭ, Hienprakuratura nie paviedamlaje.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Vylecieła ŭ nieviadomym kirunku śpikierka KR Anžalika Mielnikava30
Kamientary