Pucin va Uładzivastoku. Fota TASS
Dvojčy «rassypałasia rasijskaja dziaržaŭnaść»: paśla revalucyi 1917 hoda Rasijskaja impieryja spyniła isnavańnie, Rasija «straciła kałasalnyja terytoryi, pastupova adnaviłasia», a potym «adbyłosia jašče i krušeńnie Savieckaha Sajuza».
«A čamu? Bo treba ŭvažliva praanalizavać, što było tryhieram, što było spuskavym kručkom da hetych dramatyčnych padziejaŭ. Kali b jany nie adbylisia, u nas była b inšaja kraina. Niekatoryja śpiecyjalisty ličać, što ŭ nas nasielnictva było b ciapier pad 500 młn čałaviek. Tolki ŭdumajciesia ŭ heta», — skazaŭ Pucin 1 vieraśnia na sustrečy sa školnikami va Uładzivastoku.
Jon pry hetym nie ŭdakładniŭ, na jakich śpiecyjalistaŭ spasyłajecca. U apošnija hady Pucin nieadnarazova demanstravaŭ cikavaść da historyi i pisaŭ artykuły z vykładańniem svaich pohladaŭ na jaje, paviedamlaje Bi-bi-si.
Ciapier nasielnictva Rasii składaje prykładna 146 młn čałaviek.
«A kali b hetych trahiedyj nie było, było b kala 500 młn čałaviek. Roźnica jość? — praciahnuŭ prezident Rasii. — Sukupnaja moc dziaržavy, jakaja ŭ hieamietryčnaj prahresii pastajanna pavialičvajecca… Stvarajecca ŭsio bolš i bolš mahutnaja asnova raźvićcia, isnavańnia, dabrabytu».
