Stadyjon źjaviŭsia ŭ 2000 hodzie i vosiem hadoŭ naležaŭ «Darydzie» Uładzimira Dzialendzika. Tady pra zavodzie byŭ svoj futbolny kłub. Kali jaho nie stała, stadyjon pradali Juryju Čyžu, jaki vałodaŭ minskim «Dynama». Z 2009 pa 2012 hod kampaktnaja arena ŭ Kuncaŭščynie była asnoŭnaj dla «bieła-sinich».
Vosieńniu 2012 hoda Čyž rašyŭsia na maštabnuju rekanstrukcyju — «Dynama-Juni» pavinien byŭ stać paŭnavartasnaj kłubnaj bazaj z haścinicaj, kompleksam paloŭ i sučasnaj arenaj.
Skončyć chacieli da 2015 hoda, ale chutka pačalisia prablemy — spačatku nie chapała dazvołaŭ ad uładaŭ, paśla Čyž zadumaŭ budavać naohuł novy stadyjon u inšym miescy. Farmat rekanstrukcyi pavinien byŭ źmianicca.
U sakaviku 2016-ha Čyž byŭ zatrymany za niaspłatu padatkaŭ, a pracy na abjekcie amal spynilisia. Uvieś hety čas prajekt rekanstrukcyi spraščaŭsia.
U 2019 hodzie na stadyjonie ź niedabudavanymi trybunami pačali treniravacca futbalisty. Tam navat pravodzili tavaryskija matčy, na jakija ŭ metach biaśpieki nie puskali zaŭziataraŭ. Tady ž u Čyža adabrali futbolny kłub — «Dynama» stała dziaržaŭnym, a budaŭničyja pracy na stadyjonie znoŭ zamarudzilisia.
Ź minułaha hoda na «Dynama-Juni» svaje matčy pačała pravodzić žanočaja kamanda. I narešcie vosieńniu 2021 hoda rekanstrukcyja skončyłasia.
Ale pa ironii losu asnoŭnaja kamanda tam hulać amal nie zmoža — u čempijanacie Biełarusi z maja pa śniežań nielha hulać na štučnych palach.
Čytajcie taksama:
Krynicy: Čyža kašmarać, bo ličać, što jon schavaŭ miljardy, jakija treba viarnuć u Biełaruś
