RBK: Ułady Biełarusi abmiarkoŭvajuć kredyt na $3 młrd ź Jeŭrazijskim fondam stabilizacyi i raźvićcia
Ułady Biełarusi abmiarkoŭvajuć mahčymaść pryciahnieńnia kredytu na sumu da $3 młrd častkova abo całkam sa srodkaŭ Jeŭrazijskaha fondu stabilizacyi i raźvićcia (JEFSR), raspaviali RBK dźvie krynicy ŭ biełaruskim uradzie, sa słoŭ jakich hetaje pytańnie stała adnoj z tem pieramovaŭ z Rasijaj. U JEFSR paćvierdzili RBK, što fond pravodzić papiarednija kansultacyi ź Biełaruśsiu, ale «kazać ab sumie kredytu i kankretnych terminach jaho pradastaŭleńnia pakul rana».
8 vieraśnia ministr finansaŭ Rasii Anton Siłuanaŭ, jaki źjaŭlajecca paŭnamocnym pradstaŭnikom Rasii ŭ JEFSR, zajaviŭ, što Rasija moža akazać dadatkovuju padtrymku ŭładaŭ Biełarusi.
«My bačym, što naš susied apynuŭsia ŭ niaprostym finansavym stanoviščy. Tamu my ŭzajemadziejničajem z našymi kalehami, roznyja pytańni padtrymki abmiarkoŭvajucca. Ale zaraz samaja hałoŭnaja zadača nakiravana na toje, kab stymulavać praces intehracyi, padpisańnia tak zvanych stratehičnych płanaŭ pa intehracyi našych ekanomik. Siońnia heta samaje hałoŭnaje na paradku dnia. Ale ja nie vyklučaju taho, što niejkija vidy padtrymki my zmožam pry nieabchodnaści akazać našym biełaruskim partnioram», — skazaŭ jon, adkazvajučy na pytańnie RBK ab płanach Rasii na akazańnie finansavaj dapamohi Biełarusi. U jakoj formie moža być akazana dapamoha, jon nie ŭdakładniŭ.
Pakul pytańnie vydzialeńnia srodkaŭ nie ŭzhodnieny rasijskim bokam, pa dadzienych jakoj u fondu adsutničaje mahčymaść dać usiu zapytanuju sumu, adznačyŭ surazmoŭca RBK u biełaruskim uradzie. Hetuju pazicyju paćvierdziła RBK krynica ŭ rasijskim kabiniecie ministraŭ.
U ciapierašni čas limit JEFSR na pradastaŭleńnie kredytnych resursaŭ Biełarusi składaje kala $1,98 młrd, i jon całkam vyčarpany.
Tamu vosieńniu 2020 hoda pradastaŭleńnie novaha kredytu JEFSR Minsku na $500 młn zapatrabavała pieraraźmierkavańnia dadzienaj sumy ź limitu Rasii na karyść Biełarusi, pra što było pryniata adpaviednaje rašeńnie Rady JEFSR. Limit Rasii składaje kala $3,5 młrd, heta značyć, mahčymaje dalejšaje kredytavańnie Biełarusi zapatrabavała b znoŭ zadziejničać rasijski limit u fondzie.
Kamientary