Ab hatoŭnaści ciepłakrynic i spažyŭcoŭ da aciaplalnaha siezona i terminach uklučeńnia aciapleńnia ŭ stalicy «Minsk-Navinam» raspavioŭ namieśnik staršyni Minharvykankama Alaksandr Darachovič.
«Ciapier pašparty hatoŭnaści atrymany, usie padrychtoŭčyja raboty vykanany, sistemy aciapleńnia zapoŭnienyja sietkavaj vadoj, raspracavany hrafiki padačy ciapła ŭ abjekty. Jany składzienyja z ulikam taho, što padklučyć usich spažyŭcoŭ nieabchodna, jak i ŭ minułym hodzie, u trochdzionny termin, a nie ŭ piacidzionny, jak heta było ŭ papiarednija hady», — patłumačyŭ Darachovič.
Jak viadoma, u kvatery, internaty, ustanovy adukacyi (za vyklučeńniem sadkoŭ i škoł) ciapło pačynajuć padavać pry siaredniasutačnaj tempieratury na praciahu piaci sutak +8 hradusaŭ Celsija i nižej.
Jakraz na nastupnyja dni sinoptyki prahnazujuć nizkija tempieratury.
