Fota: bestbelarus.by.
Jak paviedamlajuć krynicy, razhladajecca prodaž biełaruskaha MTS adnoj z tureckich kampanij. Razam z MTS ułady chacieli b pradać i Biełtelekam (Biełtelekam nazyvajecca adnoj z celaŭ dla piataha pakieta sankcyj).
Krynicy: U novym pakiecie sankcyj mohuć być piać bankaŭ, uklučna z Bankam raźvićcia, a taksama drevaapracoŭka i Biełtelekam
«Ruskija nie suprać hetaj uhody, ich užo tak dapiakła hetaja biełaruskaja historyja i viečnaje čakańnie horšaha, što jany navat hatovyja dapamahčy biełarusam pradacca, kab dalej im zajmaŭsia niechta inšy.
Suma ŭhody vielmi zaležyć ad umovaŭ, jak jany damoviacca pradavać — tolki biełaruskuju častku abo biełaruskuju razam z rasijskaj, heta ŭsio ź Biełtelekamam abo bieź jaho.
Za biełaruskuju dolu chočuć 300 miljonaŭ dalaraŭ, ale heta małaimaviernaja suma, bo pradać aktyŭ u Biełarusi ŭžo davoli składana. Spraščaje situacyju toje, što turki ŭžo prysutničajuć na rynku, Life naležyć Turkcell», — paviedamlajuć nam abaznanyja krynicy.
Nahadajem, učora ŭ MTS-Biełaruś źmianiŭsia dyrektar. Šmathadovaha kiraŭnika Uładzimira Karpoviča źmianiŭ syn čynoŭnika Uładzimira Andrejčanki, Uładzisłaŭ. Maskoŭskija akcyjaniery, roŭna jak i mieniedžmient kampanii, daviedalisia pra hetaje pryznačeńnie ź BIEŁTA.
Syn kiraŭnika Pałaty pradstaŭnikoŭ Andrejčanki staŭ dyrektaram MTS
Dapoŭniena
Paśla vychadu publikacyi «Našaj Nivie» stała viadoma, što siarod tych, kamu mohuć prapanvać biełaruskuju častku MTS pakupnikoŭ jość taksama i azierbajdžanskaja kampanija Bakcell.