Fota pixabay.com
Meta luboj vakcyny — dać arhanizmu čałavieka tuju ž abaronu ad infiekcyi, jakuju jon atrymaje i padčas samoj chvaroby, ale pry hetym nie padviarhać jaho ryzycy surjoznaj chvaroby ci śmierci, piša Wall Street Journal.
Isnuje try ŭzroŭni abarony ad chvaroby, jakuju moža dać vakcyna:
- poŭnaja abarona suprać infiekcyi i zdolnaści jaje pieranasić,
- abarona suprać surjoznaj chvaroby i pieranosu
- albo tolki abarona ad surjoznaj chvaroby.
Efiektyŭnaść pryščepki zaležyć ad vieličyni imunnaha adkazu, jaki jana vyklikaje, ad chutkaści raspadu novastvoranych antycieł, ad orhanaŭ, jakija, pierš za ŭsio, zakranaje infiekcyja, i ad zdolnaści virusa ci bakteryi muciravać.
Miaža abarony ad chvaroby — heta ŭzrovień imunitetu, dastatkovy dla taho, kab nie zachvareć. Dla kožnaj chvaroby jon rozny, sposaby jaho vyznačeńnia taksama adroźnivajucca.
Čaściej za ŭsio imunitet da kankretnaj chvaroby vyznačajecca praz uzrovień antycieł na mililitr kryvi. U vypadku sa słupniakom dastatkovaja dla imunitetu ličba antycieł — 0,01 mižnarodnaja adzinka na mililitr kryvi, u vypadku z adrom — 0,02 adzinki na mililitr. Takoha ŭzroŭniu chapaje, kab abaranić arhanizm ad chvaroby.
Fota pixabay.com
Kali kazać pra hetyja chvaroby, vieličynia imunnaha adkazu na vakcyny ad ich i chutkaść raspadu antycieł dajuć mahčymaść arhanizmu doŭha być abaronienym ad chvaroby. Antycieły ad adru raspadajucca pavolna, ad słupniaku — bolš chutka, ale vakcyna prymušaje arhanizm vyrablać ich našmat bolš, čym treba dla abarony.
Tym nie mienš, navukoŭcy viedajuć, jak vyznačyć uzrovień abarony arhanizma ad chvaroby, i mohuć praz heta adsačyć čas dziejnaści pryščepki. Pra vakcyny ad kavidu anałahičnaj infarmacyi pakul niama.
Kalektyŭny imunitet nie dapamoža
U vakcynach suprać adru i viatranki ŭžyvajecca virus, zdolny replicyravacca (razmnažacca). Vakcyny inšych typaŭ, u tym liku i pryščepka suprać słupniaku, dziejničajuć nie tak doŭha, adnak ich efiektyŭnaść možna palepšyć z dapamohaj adjuvantu — rečyva, jakoje pavialičvaje imunny adkaz. Nie ŭsie z supraćkavidnych vakcyn jaho źmiaščajuć.
Jašče bolš hałaŭnoha bolu epidemijołaham dadaje toje, što virus kavidu zdolny muciravać — na siońnia navukoŭcam viadoma jak minimum vosiem jaho štamaŭ. Nie tak prosta stvaryć efiektyŭnuju pryščepku ad virusa, što tak chutka źmianiajecca.
Raniej isnavała nadzieja, što pieramahčy kavid možna budzie pry dapamozie kalektyŭnaha imunitetu. Adnak toje, jak karanavirusy inficyrujuć arhanizm, robić dasiahnieńnie takoha imunitetu nie nadta mahčymym. Čaścinki hetych virusaŭ razmnažajucca i ŭ vierchnich, i ŭ nižnich adździełach dychalnych šlachoŭ, pry hetym dastavić antycieły, naprykład, na pavierchniu nozdraŭ — nie nadta prostaja zadača. Tamu ryzyka małaaktyŭnych infiekcyj u hetaj častcy dychalnych šlachoŭ moža zachoŭvacca.
Čytajcie taksama: Raptoŭna pastareć i pasivieć całkam mahčyma. Voś jak heta adbyvajecca
