Novy ministr kultury Biełarusi Pavieł Łatuška «nie ŭjaŭlaje Ministerstva kultury bieź biełaruskaj movy».
Ab hetym jon zajaviŭ, kali adkazvaŭ na pytańni delehataŭ V źjezda biełarusaŭ śvietu, što prajšoŭ 18—19 lipienia ŭ Minskim mižnarodnym adukacyjnym centry.
Łatuška byŭ pryznačany na pasadu ministra kultury 4 červienia ŭkazam prezidenta. Dahetul jon zajmaŭ pasadu pasła Biełarusi ŭ Polščy.
Pavodle słoŭ ministra, asabista dla jaho «biełaruskaja mova źjaŭlajecca pryjarytetnaj».
«U asnoŭnym u Ministerstvie kultury my budziem vieści spravavodstva na biełaruskaj movie i, takim čynam, pastarajemsia padavać prykład astatnim ministerstvam i viedamstvam», — skazaŭ Łatuška.
Pry hetym jon zajaviŭ, što nie ličyć mahčymym nadańnie biełaruskaj movie statusu adzinaj dziaržaŭnaj ciapier. «Heta pytańnie nie revalucyjnaje. My pavinny pastupova prychodzić da taho, kab biełaruskaja mova stała asnoŭnaj movaj znosinaŭ. Zahadam takija pytańni nie vyrašajucca», — pierakanany ministr.
