Zatrymany aficer, jaki letaś asudžaŭ milicejski hvałt. Mierkavana, za kamientary ŭ sacsietkach
29 vieraśnia ŭ Stolinie byŭ zatrymany Alaksandr Vielaśnicki — papiarednie, pa spravie kamientaroŭ u sacsietkach pra hibiel Andreja Zielcera i supracoŭnika KDB. Paviedamlajecca, što pa miescy pražyvańnia mužčyny praviali pieratrus, a jaho samoha pieravieźli ŭ Minsk.
U žniŭni minułaha hoda Alaksandr — były aficer-pamiežnik — admoviŭsia ad miedala «Za biezdakornuju słužbu», paviedamlajuć pravaabaroncy.
«Ja pryniaŭ hetuju ŭznaharodu z honaram. Bolš za 15 hadoŭ sapraŭdy hodnaj słužby ŭ pamiežnych vojskach i orhanach pamiežnaj słužby davali padstavu ličyć, što ja maju prava nasić hetuju ŭznaharodu na svaim paradnym kicieli. Tak było da ŭčorašniaha dnia. Učora ja daviedaŭsia, što hetym ža miedalom u terminovym paradku ŭznaharodžvajuć tych, chto ŭdzielničaje ŭ vykradańniach, źbivańniach i katavańniach mirnych ludziej, žančyn i mužčyn, niepaŭnaletnich i padletkaŭ, starych», — kazaŭ jon tady.
Stali viadomyja proźviščy 40 zatrymanych za kamientary pra zahinułaha supracoŭnika KDB — usie jany na Akreścina
Što zapisana aficyjnaj pryčynaj śmierci adzinaha syna Jarmošynaj?9
Kamientary