«Spačatku pres-sakratar prezidenta Rasii Dźmitryj Piaskoŭ dva razy hrozna pamachaŭ palcam u adras aficyjnaha Minska z nahody błakavańnia sajta «Komsomolskoj pravdy v Biełarusi». Uśled za im u tym ža tonie vykazalisia niekatoryja rasijskija pradziaržaŭnyja arhanizacyi i paŭaficyjnyja asoby. Hałoŭny redaktar «KP» Uładzimir Sunhorkin byŭ sama nieprymirymaść i niepachisnaść.
Zamach byŭ mocny. Zdavałasia b, karystajučysia słabaściu i bolšaj zaležnaściu Łukašenki ad Rasii, dziela vyrašeńnia takoha drobnaha pytańnia nie spatrebicca šmat namahańniaŭ.
Adnak raptam 5 kastryčnika maskoŭskija ŭładalniki «Kamsamolskaj praŭdy» vyrašyli zakryć biełaruskaje pradstaŭnictva «lubimaj haziety Pucina». Mała ŭ kaho byŭ sumnieŭ, što z Kramla byŭ atrymany adpaviedny sihnał. Faktyčna toje paćvierdziŭ 6 kastryčnika toj ža Piaskoŭ, zajaviŭšy, što heta «adzinaje pravilnaje rašeńnie», — zaŭvažaje palitołah.
Uładzimir Pucin u redakcyi «Kamsamolskaj praŭdy» ŭ Maskvie, 2018 hod.
«Taksama pres-sakratar prezidenta Rasii prahavaryŭ vielmi dziŭnuju repliku. Maŭlaŭ, u Kramli chacieli b spadziavacca, što pieraśled karespandenta «Kamsamolskaj praŭdy» ŭ Biełarusi Hienadzia Mažejki nie źviazany ź jaho prafiesijnaj dziejnaściu.
Faktyčna ŭsio heta aznačaje padpisańnie Rasijaj aktu ab kapitulacyi. I hetaja kraina pretenduje na status vialikaj dziaržavy?» — reziumuje Valeryj Karbalevič.
