Faith, In search for, BMA‑hrup, 2009.
Faith, In search for, BMA‑hrup, 2009.
Jan Žančak pajšoŭ pa šlachu Jałfimava — pajhraŭ u «Pieśniarach» dy ŭziaŭsia za solny chard‑rok‑prajekt. Debiutnik «Faith» možna nazvać staramodnym u stanoŭčym sensie. Pa hučańni jon nahadvaje apošnija albomy Deep Purple (na hitary jaŭny paśladoŭnik Styva Morsa). Niedzie pobač prabiahajuć Merkjury, Mulavin i Uoters. Vidać, za asnovu albomu ŭziaty saŭndtrek da ekśpierymientalnaha śpiektaklu Łarysy Simakovič — taho, dzie Śviatłana Zielankoŭskaja vykonvała rolu Maksima Bahdanoviča (ci hetaja muzyka była prosta skarystanaja ŭ «Dni Bahdanoviča»).
Žančak — vakalist i mieładyst nie aby‑iaki. Jaho muzyka traplaje ŭ samaje serca, asabliva «Skyes in your Eyes» i centralnaja tema «Dnia Bahdanoviča» — «Kachańnie», vykananaja razam ź Simakovič.
A voś «Pi da dna» na Arsieńnievu hučyć nadta ŭžo štučna. Škada, što vakalnyja mahčymaści kiraŭnički «Hościcy» bolej nie skarystali, jana epizadyčna źjaŭlajecca jašče ŭ dvuch trekach.
«In search for» jaŭna lubiać vialikija muzyčnyja formy — piaty i dziesiaty treki pa dziesiać chvilinaŭ kožny. Maštabnaść padačy vymahaje daskanałaści hučańnia, ale z hetym jakraz prablema. Usie šurpataści vydatny hołas Žančaka nie zdolny prykryć. I jašče adno — dysk nie pakidaje cełasnaha ŭražańnia. Adčuvańnie, što muzyki, pry ŭsioj lubovi da takoha kštałtu muzyki, pakul nie znajšli siabie.
Kamientary