U Top-100 trapili taksama bary ŭ Talinie i Ryzie.
A21 u Chielsinkach pryznany najlepšym baram u śviecie pa vynikach internet-hałasavańnia sajtu «Lepšyja bary śvietu» (World's Best Bars). Štohod sajt naviedvajuć 3,6 młn. čałaviek.
Zhodna ź fiłasofijaj sajtu, «kali Vy lubicie kaktejli, Vam nieabchodna naviedać hety bar». Bar raźmieščany na miescy byłoha seks-šopu. Miarkujučy pa vodhukach naviednikaŭ, heta stylnaje i elehantnaje miesca ź vielmi pryjemnym piersanałam.
Kaktejl bar A21 adčyniŭsia ŭ vieraśni 2007 hodu, i adrazu staŭ modnym i papularnym u Chielsinkach. U mieniu možna znajści jak kłasičnyja kaktejli, tak i tradycyjnyja finskija nastojki, a taksama napoi papularnyja ŭ kancy 19-ha st.
Nazva A21 pachodzić ad adrasu Annankatu 21, dzie raźmieščany bar.
Z našych bližejšych susiedziaŭ u śpis «Lepšyja bary śvietu» trapili Estonija i Łatviija: talinski Seduction trymaje 41-je miesca ŭ śpisie, ryžski Skyline bar — 54-je.