«Kali kažuć ab Nobieleŭskaj premii ŭ halinie fundamientalnych navuk — pytańniaŭ niama. Zrazumieła, za što ich uručajuć. <…> Z premijaj miru takoj jasnaści niama, jak niama kryteryjaŭ acenki», — zajaviŭ jon.
Jak adznačyŭ śpikier Dziarždumy, u roznyja hady Nobieleŭskuju premiju miru atrymlivali eks-prezident SSSR Michaił Harbačoŭ, palityk z Mjanmy Aun San Su Čžy, były prezident ZŠA Barak Abama i premjer-ministr Efiopii Abij Achmied Ali. Vałodzin ličyć, što ŭsie jany dapuścili šerah maštabnych pamyłak, až da raźviazvańnia vojnaŭ, adnak ni ŭ adnym z hetych vypadkaŭ Nobieleŭski kamitet nie adklikaŭ premiju miru.
Pavodle jaho słoŭ, niedapuščalna, kali ludzi, datyčnyja da žudasnych złačynstvaŭ, da hetaha času źjaŭlajucca jaje łaŭreatami. A tyja, chto sapraŭdy zasłuhoŭvaje hetaj uznaharody, — nie. «Čamu? Tamu što tam, dzie niama dakładnych kryteryjaŭ, zaŭsiody buduć pytańni. Asabliva, kali havorka idzie ab rašeńniach, jakija nosiać palityčny charaktar», — skazaŭ Vałodzin.
U pačatku kastryčnika Nobieleŭskuju premiju miru ŭručyli hałoŭnamu redaktaru rasijskaj «Novoj haziety» Dźmitryju Muratavu za «namahańni pa abaronie svabody vykazvańnia mierkavańniaŭ, jakaja źjaŭlajecca pieradumovaj demakratyi i ŭstanaŭleńnia tryvałaha miru».
