Jak raskazaŭ BiełaPAN načalnik pres‑centra Dziaržaŭnaha pahraničnaha kamiteta Alaksandr Ciščanka, u 11 hadzin da miedykaŭ źviarnuŭsia hramadzianin Niderłandaŭ, jaki ŭjazdžaŭ u krainu razam z dvuma biełarusami na aŭtamabili «Miersiedes».
Jon paskardziŭsia na hałaŭny bol i pavyšanuju tempieraturu. Inšaziemiec i jaho spadarožniki byli izalavanyja,
a zatym bryhadaj chutkaj miedycynskaj dapamohi dastaŭlenyja ŭ infiekcyjnaje adździaleńnie Bresckaj abłasnoj balnicy, aŭtamabil — vyviedzieny z ahulnaha patoku. U 11.05 ruch praz «Varšaŭski most» u abodvuch napramkach byŭ spynieny.
U pamiaškańniach punkta propusku i «Miersiedesie» była praviedziena dezinfiekcyja.
Ruch ź Biełarusi ŭ Polšču byŭ adnoŭleny ŭ 12.15, u zvarotnym napramku — u 12.55.
U 13.10 z abłasnoj balnicy pastupiła infarmacyja ab tym, što
ŭ hramadzianina Niderłandaŭ i hramadzian Biełarusi zachvorvańnia vysokapatahiennym A/H1N1 nie vyjaŭlena.
Jak adznačyŭ Alaksandr Ciščanka, u hetaj situacyi ŭsie słužby pracavali ŭ adpaviednaści z rekamiendacyjami SAAZ i Ministerstva achovy zdaroŭja Biełarusi. Raniej ałharytm ich dziejańniaŭ adpracoŭvaŭsia na treniroŭkach.