Pra heta paviedamili ŭ Žytkavickim rajvykankamie. Ź Siarhieja Alifieroviča i Ihara Makareviča źniali sudzimaść i jany ŭžo pracujuć.
Supracoŭnica Žytkavickaha rajvykankama: «Jany patrapili pad prezidencki ŭkaz. Ich całkam vyzvalili i źniali sudzimaść. Jany ŭžo, chłopcy, na pracy».
Načalnik achovy hramadskaha pravaparadku Žytkavickaha RAUS paćvierdziŭ, što Alifieroviča i Makareviča pamiłavali:
«Heta byŭ akt pamiłavańnia. Tam musić być ukazana, što pamiłavańnie sa źniaćciem kryminalnaj adkaznaści».
Milicyja ŭžo nijak nie budzie za imi sačyć. Bo jany całkam vyzvalenyja.
***
Jak viadoma, 9 lipienia Alaksandr Łukašenka pamiłavaŭ 21 asudžanaha da pazbaŭleńnia voli, adnak, hety ukaz «zasakrecili» i nie apublikavali na sajcie prezidenta.
«Jon nie budzie vychodzić na sajcie. I nie davaŭsia ŭ presu. Čamu, my nie viedajem, nam jaho samim nie davali», — paviedamili ŭ pres‑słužbie prezidenta.
Nahadajem, dvoje žycharoŭ vioski Puchavičy Siarhiej Alifierovič i Ihar Makarevič byli asudžanyja adpaviedna na 5 i 3 hady pazbaŭleńnia voli z adbyvańniem u kałonii ŭzmocnienaha režymu za zabojstva svajho adnaviaskoŭca Mikałaja Makareviča, jakoha padazravali ŭ padpałach.
