U Biełarusi projdzie suśvietny tydzień pradprymalnictva: śpiecyjalnyja hości — Mikita Mikada i Pavieł Libier
Suśvietny tydzień pradprymalnictva ŭ Biełarusi — 2021 projdzie z 8-ha pa 14-ha listapada anłajn na płatformie gew.by.
Aktualnyja prablemy biznesu i prapanovy pa ich vyrašeńni abmiarkujuć suzasnavalnik IPM Pavieł Daniejka, juryst Lilija Ułasava, top-mieniedžar EPAM Maksim Bahracoŭ, zasnavalnik Imaguru Taćciana Marynič, zasnavalnik «Biznes-navin» Iryna Juzvak, ekanamičnyja analityki Leŭ Lvoŭski, Dźmitryj Kruk, Anastasija Łuzhina, biznesoviec Alaksandr Knyrovič, były hiendyrektar Arctic StartUp Dźmitryj Šarle.
Śpiecyjalnyja hości — zasnavalnik PandaDoc Mikita Mikada i stvaralnik prajekta «Hołas» Pavieł Libier.
Prahrama GEW Belarus-2021:
8 listapada 19:30. Start. Resursy dla biznesu. Biznes-adukacyja ŭ novych umovach. Budučynia biznesu ŭ novaj Biełarusi.
9 listapada ŭ 16:30. Klučavy resurs — finansy. Inflacyja — 10%, kredyty dla biznesu pad 20% — nadoŭha? Ci jość alternatyva? Fandrajzinh — mahčymaści i pahrozy.
10 listapada 16:30. Klučavy resurs — piersanał. Skaračać abo ŭtrymlivać. Tendencyi na rynku pracy.
11 listapada 18:30. Stratehija ŭ turbulentnym asiarodździ. Prahnozy, vierahodnaści, scenary, instrumienty płanavańnia.
12 listapada 16:30. Inavacyi jak ład žyćcia. Biznes u ličbavym asiarodździ. Novyja pradukty dla novaj Biełarusi.
13 listapada 16:30. Pošuk sensaŭ. Razryŭ šabłonu. Enierhija i bałans.
Suśvietny tydzień pradprymalnictva (GEW) — štohadovaje hłabalnaje mierapryjemstva, jakoje abjadnoŭvaje 180 krain u pošuku novych idej dla pradprymalnikaŭ usiaho śvietu. U Biełarusi Suśvietny tydzień pradprymalnictva projdzie ŭžo 11-y raz pry padtrymcy ES.
«Chavali adny biercy». Stała viadoma, čamu žychar Rečycy pajšoŭ vajavać suprać Ukrainy19
Kamientary