24 lipienia spoŭniłasia 75 hadoŭ narodnamu artystu Biełarusi kupałaŭcu Hienadziu Harbuku.
Za plačyma ŭ jaho — amal sotnia teatralnych rolaŭ, dziasiatki pracaŭ u kino.
Hienadź Harbuk naradziŭsia ŭ vioscy Hłybačcy Vušackaha rajonu.
Hienadź Harbuk — heta Vasil u spektakli i filmie «Ludzi na bałocie» I. Mieleža, Symon u «Raskidanym hniaździe» Janki Kupały, Piatrok u «Znaku biady«.
Artyst Viktar Manajeŭ kaža pra svajho starejšaha kalehu: «Heta ščaście, što ŭ Kupałaŭskim teatry jość takija aktory, jak Harbuk — jany z Hienadziem Aŭsianikavym «apošnija z mahikan«, tych sapraŭdnych kupałaŭcaŭ, jakija zachoŭvajuć trapiatkoje staŭleńnie i da sceny, i da spravy, i da prafesii. A Harbuk, naahuł, heta ŭvasableńnie biełaruskaha narodu, biełaruskaha charaktaru — voś mienavita praz hłybiniu błakitnych vačej Harbuka (ja maju na ŭvazie jaho narodnaść)».
