Rasijskija jadziernyja bambardziroŭščyki zalacieli ŭ Biełaruś. Ekśpiert Alesin: «Heta namiok dla Polščy»
Dva vialikija rasijskija bambardziroŭščyki Tu-22M3 praviali patrulavańnie ŭ niebie Biełarusi, paviedamlaje rasijskaje Minabarony.
«Ciaham palotu adpracavany pytańni ŭzajemadziejańnia z naziemnymi punktami kiravańnia ŭzbrojenych siłaŭ Rasii i Respubliki Biełaruś», — kaža viedamstva.
Takoje byvaje niačasta, takija žesty razdražniajuć Zachad — minuły raz, padčas letašniaha «Słavianskaha braterstva», u adkaz na pralot rasijskaj dalokaj avijacyi, la miežaŭ Biełarusi ź inšaha boku pralacieli nataŭskija bambardziroŭščyki.
Navošta ciapier, na pustym miescy demanstravać patencyjna jadziernuju zbroju?
«Učora była razmova Pucina i Łukašenki — imavierna, była tema naroščvańnia Polščaj vajennych siłaŭ kala hranic Biełarusi, — ličyć vajenny ahladalnik Alaksandr Alesin. — I pralot bambardziroŭščykaŭ, jakija mohuć nieści jadziernuju zbroju, heta taki namiok na toje, što za śpinaj u Łukašenki staić Pucin. I što prykryćcio, kali što, budzie, heta treba tak razumieć, ja dumaju.
Niejkim čynam Rasija pavinna była taki žest zrabić. Pierakidvać suchaputnyja čaści — doŭha, adpravić połk VDV — vielmi pravakatyŭna dla NATO, a ablot samalotami — vyhladaje narmalna.
Dumaju, NATO ciapier nie budzie adkazvać tym ža samym, amierykancy nie pašluć svaje samaloty, bo Bajden sprabuje damovicca z Pucinym u kitajskim pytańni».
-
U Minsku na miesiac abmiažujuć ruch pad mostam na płoščy Niezaležnaści
-
«Hetulki ŭsiaho cikavaha daviedaješsia sa sšytkaŭ»: małady nastaŭnik chimii staŭ papularnym u tyktoku
-
«Ničoha nie zdarycca z maimi dziećmi, kali jany nie pračytajuć Barto, Maršaka, Čukoŭskaha». Hutarka sa stvaralnicaj błohu «Knižnyja razmovy»
Ciapier čytajuć
Prapahandysty pakazali šeść biełarusaŭ, aryštavanych za danaty. Bolšaść ź ich pieravodzili niaznačnyja sumy1
Kamientary