U liście za podpisam dyrektara RUP «Biełsajuzdruk» zaznačajecca, što ciapier «adsutničaje mahčymaść raspaŭsiudžańnia časopisa praz handlovuju sietku z pryčyny nadzvyčaj vysokaj jaje nasyčanaści pieryjadyčnymi vydańniami, u tym liku masava‑palityčnaj i litaraturna‑mastackaj tematyki».
Redakcyja časopisa «ARCHE» atrymała list za podpisam dyrektara RUP «Biełsajuzdruk» Ihara Dudziča, u jakim zaznačajecca, što ciapier «adsutničaje mahčymaść raspaŭsiudžańnia časopisa praz handlovuju sietku z pryčyny nadzvyčaj vysokaj jaje nasyčanaści pieryjadyčnymi vydańniami, u tym liku masava‑palityčnaj i litaraturna‑mastackaj tematyki».
U kancy červienia redakcyja «ARCHE» razam z šeraham niezaležnych vydańniaŭ atrymała list za podpisam staršyni hramadskaj kaardynacyjnaj Rady ŭ śfiery ŚMI Paŭła Jakuboviča.
U liście paviedamlałasia, što pa vynikach pasiadžeńnia 4 červienia Rada «pryniała rašeńnie rekamiendavać kiraŭnictvu handlovaha respublikanskaha unitarnaha pradpryjemstva viarnucca da razhladu pytańniaŭ, źviazanych z raspaŭsiudam pradukcyi ŭkazanaha srodku masavaj infarmacyi». Redakcyja časopisa nakiravała zvarot da kiraŭnictva «Biełsajuzdruku» z prośbaj adnavić raspaŭsiud vydańnia.
Hałoŭny redaktar «ARCHE» Valer Bułhakaŭ miarkuje, što ŭ situacyi ź niezaležnymi srodkami infarmacyi adbyvajucca minimalnyja źmieny, bo da hetaha času zastajucca niaroŭnyja ŭmovy dla raspaŭsiudu presy.
