Až troje biełaruskich śviataroŭ pamierli ad kavidu ciaham dziesiaci dzion
Heta adbyłosia ŭ kancy kastryčnika, paviedamlaje rabočaja hrupa pry patryjarchu Maskoŭskim pa kaardynacyi dziejnaści carkoŭnych ustanoŭ va ŭmovach raspaŭsiudžvańnia karanavirusnaj infiekcyi.
21 kastryčnika 2021 hoda, ad uskładnieńniaŭ, vyklikanych karanavirusnaj infiekcyjaj, na 68-m hodzie žyćcia pamior kliryk Maładziečanskaj jeparchii Biełaruskaha ekzarchata ijerej Mikałaj Harbačonak.

Harbačonak byŭ nastajacielem Śviata-Trajeckaha chrama haradskoha pasiołka Kryvičy Miadzielskaha rajona.
26 kastryčnika ad uskładnieńniaŭ, vyklikanych karanavirusnaj infiekcyjaj, na 83-m hodzie žyćcia pamior kliryk Navahrudskaj jeparchii Biełaruskaha ekzarchata, protaijerej Viktar Bakaviec, nastajaciel Spasa-Praabraženskaha kafiedralnaha sabora Słonima.

«Spasa-Praabraženski sabor u čas vajny mocna paciarpieŭ, a ŭ 1963 hodzie byŭ razburany ŭščent: uzarvany bahaborcami. Ad vieličnaha budynka zastaŭsia tolki padmurak. Pa błahasłavieńni i pry dapamozie kirujučaha archireja, prychadžan chrama i nieabyjakavych ludziej ajciec Viktar šmat papracavaŭ nad jaho adnaŭleńniem», — paviedamlajecca ŭ natatcy ab śmierci śviatara.
I 30 kastryčnika pamior kliryk Bresckaj jeparchii Biełaruskaha ekzarchata prataijerej Michaił Kancevič, nastajaciel prychoda chrama śviatoha apostała Iaana Bahasłova ŭ vioscy Čaravačycy Kobrynskaha rajona. Kanceviču było 65 hadoŭ.

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier

Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu

Kamientary