Pra heta havorycca ŭ aficyjnym liście z podpisam adkaznaj sakratarki kamisii Natalli Pučko.
Tam udakładniajecca, što, zhodna z adpaviednym rašeńniem ad 16 listapada (pratakoł №6), Valeryju Mazynskamu budzie spynienaja vypłata piensii za asablivyja zasłuhi pierad Respublikaj Biełaruś, pačynajučy z 1 śniežnia 2021 hoda.
Pryčyny takoha kroku nie nazyvajucca.
Mazynski publična i paśladoŭna krytykuje ciapierašnija ŭłady za palityku ŭ halinie kultury.
Valeryj Mazynski — biełaruski teatralny režysior, były hałoŭny režysior nacyjanalnaha dramatyčnaha teatra imia Jakuba Kołasa ŭ Viciebsku, adzin ź inicyjataraŭ stvareńnia dziaržaŭnaha teatra «Lalka» ŭ Viciebsku, stvaralnik minskaha teatra «Volnaja scena» ŭ 1990-ja. Taksama staviŭ śpiektakli ŭ Kupałaŭskim teatry i vykładaŭ režysuru ŭ Biełaruskim teatralna-mastackim instytucie.
Zasłužany dziejač mastactvaŭ, łaŭreat Dziaržaŭnaj premii Biełarusi, premii «Za svabodu dumki» imia Vasila Bykava.
