Łukašenka siońnia pravioŭ naradu ŭ Ministerstvie abarony, dzie abmiarkoŭvałasia situacyja vakoł miežaŭ Biełarusi.
Jon, u pryvatnaści, zajaviŭ, što Zachad vykarystoŭvaje mihrantaŭ jak sposab strymlivańnia biełaruskaj armii ŭ vypadku kanfliktu z Rasijaj.
«Jany, napeŭna, pieražyvajuć, što ŭ nas staŭ mienšy patok mihrantaŭ, bo vykarystoŭvali hetych ludziej (my heta ŭžo bačym) dla taho, kab vyrašyć svaje ŭnutranyja prablemy i trymać nas u napruzie. Jany vydatna razumiejuć: kali tolki Ukraina pasprabuje raźviazać kanflikt z Rasijaj, u baku Biełaruś nie zastaniecca, tamu biełaruskaje vojska treba strymlivać, napružvać na zachodnich rubiažach» (cytata pavodle telehram-kanała «Puł pieršaha»).
Łukašenka taksama skazaŭ, što Biełaruś nie brazhaje zbrojaj.
«My razumiejem, što takoje vajna. My mnohija pieražyli niahody paślavajennych hadoŭ, kali hołyja, raspranutyja ź ziamlanak nie mahli vyleźci. Ciapier bolš-mienš žyviem prymalna, my nie chočam nijakich vojnaŭ. Kali chto-niebudź choča z nami razmaŭlać jak ź mirnymi ludźmi, — kali łaska, ź siońniašniaha dnia. My hatovyja razmaŭlać. Ale kali chtości da nas ź miačom pryjdzie abo z ružžom, u nas jość čym adkazać», — dadaŭ jon (cytata pavodle telehram-kanała «Puła pieršaha»).
Taksama Łukašenka vykazaŭ upeŭnienaść, što ZŠA i Vialikabrytanija pry ŭdziele Polščy vynošvajuć płany razburyć ES.
«Abstanoŭka na zachodniaj miažy niaprostaja. Vy bačycie, što hetyja polskija miarzotniki pajechali ŭžo pa krainach.
I ŭčora źviarnuli ŭvahu, kudy Maraviecki pajechaŭ (premjer-ministr Polščy) u Vialikabrytaniju. Ja ŭpeŭnieny, voś pahladzicie, na praciahu hoda-dvuch jany chočuć z padačy Amieryki razburyć Jeŭrapiejski sajuz», — skazaŭ Alaksandr Łukašenka.
«Amierykancam nie patrebnyja partniory, jakija mohuć stać naraŭnie ź imi. (;…) Tamu ja ŭpeŭnieny, što nie vypadkova vyjšła Vialikabrytanija ź Jeŭrasajuza, bo jana ničoha nie znajšła ŭ hetym. I ciapier staŭka robicca na Polšču. Jany ŭžo, sioj-toj, pačynajuć u adkrytuju zajaŭlać: skončacca datacyi ź Jeŭrasajuza (miljardy dalaraŭ jeŭra) — nam ES nie patrebny. Tamu ŭsio robicca dla razbureńnia Jeŭrapiejskaha sajuza», - skazaŭ Alaksandr Łukašenka.
«Jon na nastupny termin nie budzie abiracca». Słovy Karpiankova ciapier usprymajucca inakš16
Kamientary