Kiraŭnika Nacyjanalnaha akademičnaha arkiestra Biełarusi, narodnaha artysta Michaiła Finbierha siońnia nie stała. Pra heta kalektyvu paviedamili ŭ 6 hadzin ranicy. Telekanał ANT paviedamlaje, što apošnija dni Michaił Finbierh byŭ u špitali.
Finbierh naradziŭsia 21 lutaha 1947 hoda ŭ Mazyry. Tam ža žyŭ i vučyŭsia. Kali pryjšła para vybirać prafiesiju, vyrašyŭ, što budzie muzykantam. Ale jon piać razoŭ nie pastupiŭ u muzyčnaje vučylišča, tamu vyrašyŭ pasprabavać hrać u vajskovym arkiestry ŭ Kursku. Dziakujučy hetamu, praz paru hod jon staŭ studentam Minskaha muzyčnaha vučylišča, a ŭžo paśla — kansiervatoryi.
Potym Finbierh pracavaŭ u arkiestry minskaha cyrka. Tam pisaŭ muzyku i stvaraŭ aranžyroŭki. Z 1987 hoda byŭ mastackim kirŭnikom i hałoŭnym dyryžoram Dziaržaŭnaha arkiestra simfaničnaj i estradnaj muzyki. U 2005-m arkiestr staŭ nacyjanalnym, a ŭ 2010-m — akademičnym.
Taksama Michaił Finbierh byŭ členam Savieta Respubliki Nacyjanalnaha schodu na praciahu dvuch sklikańniaŭ, uvachodziŭ u saviet pa kultury pra Saviecie ministraŭ.
U 2020-m hodzie Finbierh dosyć rezka vykazvaŭsia nakont masavych pratestaŭ. Jon ličyŭ, što na vuličnyja akcyi chodziać bandyty.
Finbierh: Na vuličnyja akcyi vychodziać bandyty. A ściah u mianie adzin — čyrvony
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu3
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary