Ministr zamiežnych spraŭ Italii Franka Fracini maje namier naviedać Biełaruś u kancy vieraśnia 2009 hoda.
Pra heta, pavodle infarmacyi italjanskaha partała BelarusNews.it, Fracini paviedamiŭ 29 lipienia na sustrečy z pradstaŭnikami siemjaŭ, jakija zajmajucca arhanizacyjaj adpačynku biełaruskich dziaciej u Italii.
Pavodle słoŭ kiraŭnika MZS Italii, jaho vizit budzie adkazam na vizit u Rym viasnoj 2009 hoda Alaksandra Łukašenki. Fracini padkreśliŭ, što naviedvańnie Biełarusi pasłužyć umacavańniu suviaziej pamiž dźviuma krainami.
U MZS Biełarusi i pasolstvie Italii ŭ Minsku pakul nie paćviardžajuć infarmacyju ab padrychtoŭcy vizitu Fracini.
Prezident Biełarusi naviedaŭ Italiju ŭ krasaviku 2009 hoda. Jon sustreŭsia z premjer‑ministram krainy Silvio Bierłuskoni, a taksama papam rymskim Bieniedziktam XVI.
22 maja na pres‑kanfierencyi ŭ Minsku italjanski pasoł Džulio Prydžoni paviedamiŭ, što Silvio Bierłuskoni moža naviedać Biełaruś vosieńniu hetaha hoda i baki pracujuć nad arhanizacyjaj vizitu.
