Amal 2,5 tys. čałaviek užo vyzvaleny ź miesc pazbaŭleńnia voli pa amnistyi, prymierkavanaj da 65‑hodździa vyzvaleńnia Biełarusi ad niamiecka‑fašysckich zachopnikaŭ, i zaviaršyć amnistyju płanujecca vosieńniu.
Pra heta paviedamiŭ 30 lipienia deputatam na pasiadžeńni Pastajannaj kamisii pa mižnarodnych spravach i suviaziach z SND ministr unutranych spraŭ Biełarusi Anatol Kulašoŭ.
Na pasiadžeńni parłamientaryi ŭźniali pytańnie ab mahčymaści libieralizacyi kryminalnaha zakanadaŭstva. Deputat Alaksiej Kužanaŭ davioŭ da Anatola Kulašova zvarot adnoj ź jaho vybarščyc, jakaja prasiła vyrašyć pytańnie ab pryzyvie jaje syna ŭ armiju. Hety małady čałaviek byŭ asudžany na 2 hady pazbaŭleńnia voli ŭmoŭna za toje, što złamaŭ płot susieda, i ciapier jaho nie pryzyvajuć u armiju jak asobu, jakaja maje niepahašanuju sudzimaść.
U svaju čarhu Anatol Kulašoŭ vykazaŭsia za adnolkavaje prymianieńnie norm zakanadaŭstva da ŭsich hramadzian. Pry hetym jon pryznaŭ, što Biełaruś zajmaje treciaje miesca ŭ śviecie paśla ZŠA i Rasii pa kolkaści asudžanych na tysiaču čałaviek.
