Vadzim Prakopjeŭ raskazaŭ, jak jamu ŭdałosia padmanuć biełaruskija śpiecsłužby
Na kanale «Žyćcio-malina» vyjšła intervju ź viadomym biełaruskim restarataram, a ciapier palitykam Vadzimam Prakopjevym.
Prakopjeŭ raspavioŭ, jak jaho chacieli aryštavać i pryčym tut Baskaŭ, jak adjazdžaŭ z krainy z tenisnaj torbaj u rukach praz Stambuł, jak u jaho adciskali i biznes i što jon hatovy addać, kab pieramahčy.
Prakopjeŭ raskazaŭ, što zjechaŭ ź Minska z tenisnaj torbaj.
«Heta była śpiecapieracyja, adbyvałasia kałasalnaja praca. Mnie ŭdałosia zaduryć hałavu Baskavu i kampanii. Usie 10 dzion, kali razumieŭ, što aryšt niepaźbiežny, ja rabiŭ nieźličonuju kolkaść dziejańniaŭ, treba było pakazać biesturbotnaha biznesmiena», — raspavioŭ jon.
Jon skazaŭ, što za im sačyli, «padbirali śmiećcie» za im.
«Ja vydatna razumieŭ, što budzie dalej, tamu treba było terminova pradać dolu ŭ restaranach, što i adbyłosia, — na žal, niadoraha». A dalej — pajšoŭ hulać u tenis z ranicy, a «vynyrnuŭ» u Stambule, potym pierabraŭsia ŭ Kijeŭ.
Ciapier ułady, pa słovach Prakopjeva, začyščajuć usich inicyjatyŭnych: «Jaho [Łukašenki] zadača — razabraŭšysia ź inicyjatyŭnymi i aktyŭnymi, prymusić emihravać usich, chto moža ŭpłyvać na rozumy».
Niečakana Prakopjeŭ vykazaŭsia pra biełaruskuju movu.
«Biełaruskaja mova — heta takaja važnaja štuka, asabliva ŭ tym stanoviščy, u jakim my ciapier znachodzimsia. Mova — heta tema, jakuju nielha prosta tak marna abmiarkoŭvać. Heta, kali chočacie, asobnaje intervju. Heta toje pytańnie, na jakoje treba budzie nacyi adkazać, heta vielmi składana. Nie treba jaho nasadžać, nie treba zmahacca za jaho — jaho treba prosta zrabić sieksapilnym, i dla hetaha ŭ novaj krainie ŭsie šancy jość».
Na što hatovy Prakopjeŭ dla Biełarusi? «Ja hatovy addać usio, što ŭ mianie jość dla taho, kab hetaja pieramoha zdaryłasia. <…> Ja hatovy pamierci za svaje pierakanańni. Za novuju Biełaruś. Novaja Biełaruś — nabor maich pierakanańniaŭ».
Adzinaje, čaho Prakopjeŭ nie abiacaje — «prachodu praz KPP z padniatymi rukami». «Heta naohuł nie moj styl», — kaža jon.
Novy «Tok» — z Vadzimam Prakopjevym. Pra čynoŭnikaŭ, siłavikoŭ i biznes pry Łukašenku
Jak žyvie Aleś Muchin, viadomy znaŭca «Što? Dzie? Kali?»6
Kamientary