Za minułyja vychadnyja ŭ Biełarusi ŭ DTZ zahinuli 14 čałaviek, u tym liku adno dzicia. 57 čałaviek, u tym liku troje dziaciej, atrymali ranieńni.
Jak paviedamili va ŭpraŭleńni Dziaržaŭtainśpiekcyi MUS, dzicia pamierła 1 žniŭnia paśla DTZ niedaloka ad vioski Ražkoŭka Kamianieckaha rajona Bresckaj vobłaści. 65‑hadovy žychar Bresta, jaki kiravaŭ «Falksvahienam», źjechaŭ u kiuviet i pierakuliŭsia. U vyniku 6‑hadovaja ŭnučka vadziciela, jakaja jechała razam ź im, ź cialesnymi paškodžańniami była źmieščanaja ŭ balnicu, dzie pamierła.
17‑hadovy žychar Kapylskaha rajona zahinuŭ 2 žniŭnia ŭ avaryi kala vioski Marozy Słuckaha rajona. U 2.00 35‑hadovy žychar Pietrykaŭskaha rajona, jaki kiravaŭ aŭtamabilem «Žyhuli», źjechaŭ u kiuviet i pierakuliŭsia. Jaho niepaŭnaletni pasažyr zahinuŭ.
2 žniŭnia ŭ Baranavičach 38‑hadovy žychar Lachavickaha rajona ŭ stanie ałkaholnaha apjanieńnia za rulom «Maskviča» ździejśniŭ najezd na 65‑hadovuju piensijanierku, jakaja pierachodziła prajeznuju častku pa piešachodnym pierachodzie. Vadziciel uciok ź miesca zdareńnia, ale byŭ zatrymany.
U hety ž dzień u Bychaŭskim rajonie ŭ 15.00 20‑hadovy mužčyna za rulom traktara «MTZ» ździejśniŭ najezd na 40‑hadovaha miascovaha žychara, jaki zahinuŭ.
Niedaloka ad vioski Raducičy Asipovickaha rajona ŭ 18.20 31‑hadovy vadziciel «Opiela» źjechaŭ u kiuviet i pierakuliŭsia. U vyniku vadziciel i pasažyr zahinuli, jašče adna pasažyrka źmieščana ŭ balnicu.
Dziaržaŭtainśpiekcyja zaklikaje hramadzian być dyscyplinavanymi, adkaznymi i nie sadzicca za rul paśla ŭžyvańnia ałkaholu.