Hramadstva

Krynicy: Refierendum moža ŭpieršyniu adbycca nie ŭ niadzielu, a ŭ čaćvier

Refierendum, jaki maje lehalizavać źmieny ŭ Kanstytucyju, moža adbycca ŭžo 10 lutaha — tak paviedamlajuć «Našaj Nivie» krynicy. Niezvyčajnaść u tym, što heta pracoŭny dzień, čaćvier.

Jak infarmujuć krynicy, aktyvizavalisia treniroŭki asabovaha składu vajskoŭcaŭ, što tłumačycca padrychtoŭkaj da hetaj daty. 

«Adbyvajecca zvyčajnaja, ale masštabnaja padrychtoŭka hrup vyciaśnieńnia, raśsiarodžvańnia, patrulavańnia i hetak dalej: adździaleńnie, uzvod, rota. Potym u składzie bataljonaŭ i V/Č.

Raniej pierad padziejami kštałtu vybaraŭ pravodzili ahulnyja vučeńni ŭsich unutranych vojskaŭ, z 2020-ha ŭziali modu treniravacca razam z AMAP. 

Padrychtoŭka ŭklučaje ŭ siabie taksama dadatkovyja zaniatki pa ideałohii», — raspaviadajuć «Našaj Nivie» krynicy.

Raniej pra praviadzieńnie refierendumu ŭ lutym zajaŭlali vyšejšyja čynoŭniki krainy. Ekśpierty mierkavali, što jon budzie pryznačany na kaniec miesiaca. 

Ale surazmoŭcy dapuskajuć, što data moža być naohuł pierajhrana ŭ zaležnaści ad raźvićcia situacyi ŭ Kazachstanie. 

Bolšaść prapanavanych źmien u Kanstytucyju — kaśmietyčnyja. Sutnasnaja adna — nadańnie funkcyi najvyšejšaj ułady ŭ krainie tak zvanamu Usiebiełaruskamu narodnamu schodu, źjezdu namienkłatury, delehaty jakoha nie abirajucca ŭsienarodna i na kankurentnaj asnovie.

Niezvyčajnaść daty 10 lutaha jašče i ŭ tym, što heta pracoŭny dzień, čaćvier. Raniej vybary i refierendumy pravodzilisia ŭ niadzielu. Vybar čaćviarha moža tłumačycca žadańniem nie dapuścić palityčnaj mabilizacyi nasielnictva. Tak, na ašałamialnych vybarach 2020 hoda ludzi na zaklik Śviatłany Cichanoŭskaj masava hałasavali paśla abiedu i pabačyli, jak ich šmat. U toj ža čas ułady na ŭsich vybarach schilajuć hałasavać daterminova, a na etapie daterminovaha hałasavańnia lahčej za ŭsio falsifikavać vyniki i ŭkidvać biuleteni ŭ skrynki niezaŭvažna dla šarahovych členaŭ vybarčych kamisij.

Zrešty, niezvyčajnaja sama situacyja, kali refierendum anansavany, a jaho daty jašče nichto nie viedaje. Zvyčajna vybarčy kalandar płanujecca zahadzia.

«Hetaki kalektyŭny prezident». Ułady raspaviali, kaho chočuć uklučać u skład Usiebiełaruskaha narodnaha schoda

Łukašenku navat paśla adstaŭki nie zmohuć sudzić? Pahladzieli prajekt novaj Kanstytucyi

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet9

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Usie naviny →
Usie naviny

Na «Kamunarcy» novy hienieralny dyrektar1

Iran zajaviŭ, što hatovy zaklučyć pahadnieńnie, jakoje harantuje adsutnaść u jaho jadziernaj zbroi, i patrabuje spynić Izrail2

Vypusknica z Baranavičaŭ, jakaja nabrała 400 bałaŭ z 400, raskazała, kudy dumaje pastupać i što nie razhladaje zamiežnyja VNU26

Častka iranskich rakiet iznoŭ prabiła «Žalezny ščyt» Izraila, adzin hmach razburany daščentu5

Na fonie vajskovaha parada Trampa ŭ Vašynhtonie pa ŭsioj Amierycy prajšli pratesty1

Patryjarch Kirył dramatyčna raskazaŭ, jak nataŭcy adpravili nasustrač jamu hrozny źniščalnik F-165

Tramp prahraziŭ Iranu atakaj «na ŭzroŭni, jaki nikoli raniej nie bačyli», kali toj napadzie na ZŠA2

Ci sapraŭdy ŭ Turcyi sioleta paŭpustyja plažy?

Pientahon pavinšavaŭ amierykancaŭ z Dniom Ściaha vyjavaj rasijskaha fłaha4

bolš čytanych navin
bolš łajkanych navin

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet9

Biełarus ź izrailskaha Bat-Jama pakazaŭ svajo žyllo paśla ŭdaru iranskich rakiet

Hałoŭnaje
Usie naviny →

Zaŭvaha:

 

 

 

 

Zakryć Paviedamić