Telefonnyja machlary zarablajuć hrošy, prymušajučy surazmoŭcaŭ słuchać cišyniu
Aŭtamabilny sajt av.by paviedamlaje, što apošnim časam atrymlivaje ad svaich čytačoŭ skarhi na toje, što pry telefanavańni pa abjavach ab prodažy mašyn pa pryvabnych cenach ich prosiać niejki čas pačakać adkazu, a paśla za heta śpisvajucca hrošy.
U abjavach machlary paznačajuć numary, za zvanki i paviedamleńni na jakija z abanienta spahaniajecca płata, pryčym padvyšanaja.
Nabraŭšy taki telefon, čałaviek čuje aŭtaadkazčyk, jaki davoli doŭha trymaje jaho «na provadzie». Niekatoryja z tych, chto patelefanavaŭ, paśla chviliny čakańnia čuli frazu: «Płatnaje čakańnie — 50 kapiejek».
Machlarstva takoje charakternaje tym, što toj, chto jaho praktyukuje, mała čym ryzykuje. Šanc pryciahnuć arandatara płatnaha numara da kryminalnaj abo administracyjnaj adkaznaści minimalny. Jamu treba tolki padstrachavacca: paviedamić, što zvanki i SMS dla čałavieka na inšym kancy provada kaštujuć hrošaj, heta chutkamoŭkaj robicca ŭ pačatku złučeńnia.
Faktyčna srodki ŭ abanientaŭ nichto nie vymahaje i nie vyprošvaje, ich prosta zdymajuć ź jahonaha rachunku. Pryčym na zakonnych padstavach — zvanki na hety numar płatnyja, i ŭsio adpaviednym čynam zarehistravana.
Tamu dla prafiłaktyki ŭsim možna paraić tolki adno — zachoŭvać pilnaść i aściarožnaść. Chto papiaredžany — toj uzbrojeny!
-
Amierykaniec Anton Ros, jaki pryjechaŭ ź Litvy ŭ hruzavym vahonie, maje prablemy z pamiaćciu. Jaho šukaje palicyja Ciurycha
-
Chto hety prafiesar ź Minska, jakomu 95 hadoŭ i jaki chodzić na pracu pieššu try kiłamietry?
-
Pamiatajecie minskuju doktarku, jakaja šakavała antysiemickimi vykazvańniami? Jana dakładna bolš nie pracuje ŭ dziciačaj balnicy
Ciapier čytajuć
Jak žyvie Aleś Muchin, viadomy znaŭca «Što? Dzie? Kali?»11
Kamientary