Fota z aficyjnaha sajta kiraŭnika Biełarusi.
Biełaruś u chutkim časie padpiša pahadnieńnie ab farmiravańni Kalektyŭnych siłaŭ apieratyŭnaha reahavańnia Arhanizacyi Damovy ab kalektyŭnaj biaśpiecy, upeŭnieny Bardziuža.
«U chutkim časie čakajem, što Biełaruś padpiša», — skazaŭ hienieralny sakratar ADKB Mikałaj Bardziuža žurnalistam u čaćvier u Maskvie.
Akramia Biełarusi, nahadaŭ jon, pahadnieńnie ab farmavańni KSAR nie padpisaŭ Uźbiekistan, jaki pakul nie płanuje padpisvać dakumient, bo maje svaje pohlady na skład KSAR.
U pryvatnaści, kraina vystupaje suprać uvachodžańnia ŭ Kalektyŭnyja siły antyterarystyčnych padraździaleńniaŭ.
Hienieralny sakratar ADKB adznačyŭ, što Biełaruś nie padpisała pahadnieńnie pa KSAR z pryčyny adsutnaści delehacyi krainy na apošnim samicie Savieta arhanizacyi.
U toj ža čas delehacyja Mienska doŭhi čas płanava i metanakiravana pracavała pa hetym pahadnieńni, razhledzieła ŭsie jaho aśpiekty ŭ poŭnym abjomie i nie vykazała jakich‑niebudź zaŭvahaŭ, skazaŭ hienieralny sakratar.
«Biełaruski bok hatovy byŭ padpisać hetaje pahadnieńnie», — padkreśliŭ Bardziuža. «Mała taho, na pasiedžańni kamiteta Savieta biaśpieki, jaki prajšoŭ napiaredadni pasiedžańni Savieta kalektyŭnaj biaśpieki, biełaruski bok uchvaliŭ prajekt pahadnieńnia i padaŭ svaje prapanovy pa składzie KSAR», — skazaŭ Bardziuža.
«Ja liču, što niepadpisańnie Biełaruśsiu — heta čysta techničnaja prablema, i jana ŭ chutkim časie budzie likvidavanaja», — adznačyŭ jon.
Kažučy pra Uźbiekistan, hienieralny sakratar ADKB paviedamiŭ, što kraina padpisała prajekt pahadnieńnia pa KSAR, ale z «asablivym mierkavańniem».
Uźbiekistan vystupiŭ za ŭklučeńnie vajskovych farmavańniaŭ u KSAR, ale suprać uklučeńnia tudy antyterarystyčnych siłaŭ.
«Jany skazali, što pakul nie hatovyja da hetaha, ale nie pieraškadžajuć padpisańniu pahadnieńnia i nie piarečać suprać jaho, ale ŭdzielničać pakul u takim vyhladzie nie płanujuć», — adznačyŭ Bardziuža.
