Jerevan: Svojeasablivaje mierkavańnie Łukašenki nie maje ničoha supolnaha z Armienijaj i jaje zamiežnaj palitykaj
«Jano pryznačana vyklučna dla ŭnutrypalityčnaha paradku», napisaŭ u svaim fejsbuku pres-sakratar armianskaha MZS Vaan Unanian.
Tak u Jerevanie adreahavali na zdahadki Alaksandra Łukašenki ab pierśpiektyvach dałučeńnia novych krain da Sajuznaj dziaržavy Rasii i Biełarusi, piša «Sputnik».
Łukašenka ŭ intervju Sałaŭjovu skazaŭ: «Armienii dziavacca niama kudy. Vy kažacie, kamuści patrebnyja? Jany ŭžo ŭbačyli — skazaŭ Łukašenka i dadaŭ. — Azierbajdžan vybivajecca z hetaj kahorty, my tam šmat pamyłak narabili. Heta asobnaja razmova. I tam, prosta, Turcyja vielmi mocna padtrymlivaje Azierbajdžan. Praz Turcyju iduć šlachi, haz, nafta…»
«Turkmienistan, Uźbiekistan i Tadžykistan, u siłu svajoj ekanamičnaj nieabchodnaści, dumaju, što taksama dałučacca, — skazaŭ Łukašenka. — Biełaruś užo tam [u Sajuznaj dziaržavie]. Dumaju, što dla Kazachstana heta było dobraj navukaj. Kali havaryć ab terminie ŭ 15 hadoŭ, to ŭpeŭnieny, što tam budzie Ukraina, kali my nie narobim pamyłak. Nu a astatnija, pa pierymietry — pa miery abjadnańnia hetaj mocy abo ŭ pracesie ee abjadnańnia».
Čytajcie taksama:
Prezident Uźbiekistana adkazaŭ Łukašenku, ci rychtujecca jon da kazachstanskaha scenaryja
Ciapier čytajuć
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»19
«Kaleśnikava kaža, što nie źbirajecca vychodzić, pakul nie vyjdzie apošni z palitviaźniaŭ»
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami2626
Kamientary