Ukraina pieražyła chvalu mocnych kibieratak, upali sajty niekatorych bankaŭ i siłavych struktur
Ukraincy paviedamlali pra zboi ŭ pracy sajtaŭ i mabilnych prahram niekatorych bankaŭ, a taksama sajtaŭ Minabarony i VSU. Kibierataki pačalisia ŭ 15:00, adznačajecca, što jany byli vielmi mahutnyja — takich jašče nie było nikoli.
Niekalki hadzin nie pracavali sajty bujnych bankaŭ «Pryvat» i «Aščadbank». Karystalniki mabilnaj prahramy «Privat24» paviedamlali pra prablemy z płaciažami i ŭ cełym z pracaj mabilnaj prahramy. Niekatorym karystalnikam zusim nie ŭdavałasia zajści ŭ «Privat24», u inšych nie adlustroŭvalisia bałans i apošnija tranzakcyi.
U banku «Pryvat» zapeŭnili, što nijakaj pahrozy srodkam układčykaŭ niama, kibierataki tyčylisia vyklučna Privat24. Astatnija finansavyja apieracyi vykonvalisia ŭ narmalnym režymie.
U pracy «Aščadbanka» taksama naziralisia zboi, internet-bankinh nie pracavaŭ.
Ciapier «Pryvatbank» i «Aščadbank» paviedamili, što adnavili pracu, ale čakajuć, što DDOS-ataki mohuć adnavicca.
Taksama padvierhnulisia napadu sajty Minabarony i Uzbrojenych siłaŭ Ukrainy. Minabarony paćvierdzili chakierskuju ataku na ich sajt.
U centry stratehičnych kamunikacyj i infarmacyjnaj biaśpieki Ukrainy ŭsie hetyja kibierataki źviazvajuć ź dziejańniami Rasii.
Raniej maštabnaja chakierskaja ataka na Ukrainu adznačałasia 14 studzienia hetaha hoda.
Kamientary