Junis Kieniedzi, padčas adkryćcia Alimpijskich hulniaŭ dla razumova adstałych ludziej, 1973 h.
Junis Kieniedzi Šrajvier z mužam Saržentam, dačkoj Maryjaj i ziaciem Arnoldam, fota nytimes.com
Siastra byłoha prezidenta ZŠA Džona Kieniedzi Junis Kieniedzi Šrajvier pamierła ŭ horadzie Chajanis (štat Masačusiets) va ŭzroście 88 hadoŭ.
Junis Kieniedzi Šrajvier źjaŭlajecca taksama cieščaj hubiernatara Kalifornii Arnolda Švarceniehiera.
Jana była špitalizavanaja ŭ piatnicu ŭ krytyčnym stanie.
***
Junis Kieniedzi Šrajvier była inicyjataram Alimpijskich hulniaŭ dla razumova adstałych ludziej.
Pieršyja takija hulni prajšli ŭ jaje majontku. U 1984 h. Junis Kieniedzi była ŭznaharodžana najvyšejšaj hramadzianskaj uznaharodaj ZŠA – Prezidenckim miedalom svabody, jaki joj uručyŭ Ronald Rejhan.
Kieniedzi-Šrajvier kiravała fondam imia Džozefa Kieniedzi-małodšaha, nazvanaha ŭ honar brata, što zahinuŭ na Druhoj suśvietnaj vajnie. Fond spansavaŭ navukovyja daśledavańni pa baraćbie z adchileńniami ŭ razumovym raźvićci i pa palahčeńni žyćcia razumova adstałych ludziej.
«Ja budu sumavać pa joj kožny dzień, ale ja viedaju, što jaje duša žyvie ŭ jaje cudoŭnych dzieciach i unukach, a taksama ŭ mnostvie ludziej, žyćcio čyich jana źmianiła», – skazaŭ Arnold Švarcniehier.