Vykładčyca BDU pra svajo zvalnieńnie: «Pa ŭłasnym žadańni nie sydu — za mnoju praŭda»
Natalla Abrašyna-Žadajeva, prafiesarka kafiedry vyšejšaj matematyki BDU, doktar fizika-matematyčnych navuk, paviedamiła, što jaje zaprasili ŭ prafkam na daču zhody na zvalnieńnie. Jana paviedamiła «Našaj Nivie», što ni ŭ jakim razie nie budzie zvalniacca pa ŭłasnym žadańni.
«Nijakich zhodnickich papier pisać nie budu. U mianie kantrakt da 31 žniŭnia, tamu i zroblenyja hetyja nienarmalnaści. Ja ŭžo im raniej kazała, što pa ŭłasnym nie sydu, bo za mnoj praŭda», — skazała «Našaj Nivie» vykładčyca.
22 studzienia Žadajeva apublikavała zvarot u abaronu svajho zvolnienaha kalehi Maksima Šundałava:
«My žyli tut i budziem žyć. I chočam, kab była źmianialnaść ułady, a nie pierapisvańnie Kanstytucyi pa žadańni «adnaho». Kolki našych hramadzian źbiehła z krainy, kolki siońnia zvalniajuć, kab dahadzić «adnamu».
Siońnia vy pramaŭčali, a zaŭtra z vami hetak ža raźličacca. Tak užo było ŭ historyi. Kožny sam vybiraje: słužyć ci prysłuhoŭvać. Jak kažuć: słužyć Bohu ci prysłuhoŭvać Judu!»
Kamientary