Pres-słužba Kamietetu dziaržaŭnaha kantrolu paviedamiła, što ŭ dačynieńni da arhanizataraŭ fondaŭ salidarnaści BYSOL i BY_help raspačataja kryminalnaja sprava.
KDK paviedamlaje, što Departamientam finansavych rasśledavańniaŭ KDK vyjaŭlenyja fakty finansavańnia BYSOL i BY_help «šlacham zboru i pradastaŭleńnia hrašovych srodkaŭ dla zabieśpiačeńnia ich ekstremisckaj dziejnaści». Abiedźvie arhanizacyi ŭłady pryznali «ekstremisckimi farmavańniami».
Hrašovyja srodki na adras fondaŭ, jak śćviardžajecca ŭ paviedamleńni, «pieraličvalisia jak na adkrytyja za miažoj raźlikovyja rachunki, tak i kryptakašalki». Za heta aryštavany niejki minski indyvidualny pradprymalnik.
Taksama zhadvajecca niejki žychar Homiela, jaki nibyta «raskajaŭsia va ŭčynienym i sadziejničaje śledstvu ŭ vyjaŭleńni faktaŭ finansavańnia ekstremisckaj dziejnaści, u suviazi z čym kryminalnaja sprava ŭ dačynieńni da jaho nie raspačynałasia».
U vyniku ŭ dačynieńni da arhanizataraŭ BYSOL i By_help, a taksama «inšych asob, jakija prymali ŭdzieł u ich finansavańni», raspačata kryminalnaja sprava pa častcy 2 artykuła 361 (finansavańnie ekstremisckaj dziejnaści) Kryminalnaha kodeksa Respubliki Biełaruś.
Imiony arhanizataraŭ i kiraŭnikoŭ fondaŭ BYSOL i By_help u paviedamleńni KDK nie nazyvajucca, ale viadoma, što heta Andrej Stryžak i Alaksiej Lavončyk, jakija znachodziacca za miežami Biełarusi.
Amal hod tamu na Stryžaka i Lavončyka ŭžo była zaviedzienaja kryminalnaja sprava pa tym ža samym abvinavačvańni. Jaje zavioŭ Śledčy kamitet.
Čytajcie taksama:
DFR paviedamiŭ pra «vykryćcio kanała finansavańnia ekstremisckaj dziejnaści». Havorka pra kryptaabmieńnik, pra jaki ŭžo kazali ŭ kastryčniku
KDK vyjaviŭ 5 kryptavalutčykaŭ, jakich abvinavačvaje ŭ finansavańni pratestaŭ
SK zavioŭ kryminalnyja spravy na Alaksieja Lavončyka i Andreja Stryžaka
«Dobry lesarub, ale sa źviazanymi rukami». Dypłamaty padsumoŭvajuć vyniki pracy zvolnienaha ministra Alejnika1
Kamientary