Dakumient Chvastova napisała niekalki dzion tamu, ale apublikavali jaho tolki ciapier, kali jana apynułasia ŭ biaśpiecy.
Natalla Chvastova
Chvastova napisała Makieju, što ŭ svajoj źniešniaj palitycy Biełaruś bolš nie zychodzić z pryncypu roŭnaści dziaržaŭ, nieŭžyvańnia siły i pahrozy siłaj, nieparušnaści miežaŭ, mirnaha ŭrehulavańnia kanfliktaŭ, nieŭmiašalnictva va ŭnutranyja spravy dziaržaŭ.
«Bolš za toje, dziaržava spyniła zachavańnie historyka-kulturnaj i duchoŭnaj spadčyny Biełarusi, i suvierenitet krainy znachodzicca pad pahrozaj», — napisała Chvastova.
Hetuju infarmacyju nam paćvierdziŭ Pavieł Łatuška.
«Ja viedaju Natallu daŭno, šmat hadoŭ, jašče pa sumiesnaj pracy ŭ MZS.
Zaraz jana znachodzicca pad abaronaj urada Hiermanii, źviazacca asabista ź joj pakul niemahčyma.
Ja razmaŭlaŭ z Natallaj niekalki razoŭ: jana absalutna śviadoma pryniała hetaje rašeńnie, padkreśliła, što daŭno chacieła heta zrabić. Jana mieła mahčymaść pracavać dypłamatam bolš za hod, ale vyrašyła vystupić suprać ahresii, jakuju padtrymlivaje režym Łukašenka, parušajučy Kanstytucyju.
My byli na kantakcie ź Ministerstvam zamiežnych spraŭ Hiermanii, z dypłamatami pasolstva Hiermanii ŭ Varšavie, kab dapamahčy Natalli. Zaraz jana ŭ biaśpiecy», — paviedamiŭ «Našaj Nivie» Pavieł Łatuška.
