Cieła vajskoŭca zasypana śnieham pobač sa źniščanaj rasiejskaj vajskovaj reaktyŭnaj sistemaj załpavaha ahniu na ŭskrainie Charkava, Ukraina, 25 lutaha 2022 h. Fota: AP
Pa acency amierykanskaha vajskovaha viedamstva, Rasija ŭžo zadziejničała 95% siłaŭ i srodkaŭ, skancentravanych la miežaŭ Ukrainy da pačatku ŭvarvańnia (papiaredniaja acenka, dva dni tamu, była 92%).
Istotnaha prasoŭvańnia rasijskich vojskaŭ za apošnija sutki ŭ Pientahonie nie zaŭvažyli. 64-kiłamietrovaja kałona pad Kijevam pa-raniejšamu staić na miescy (źniešnija naziralniki miarkujuć, što jana zahrazła i chutčej za ŭsio skarystała ŭsio paliva).
Jašče niekalki nazirańniaŭ ź Pientahona:
Vysadki marskoha desantu ŭ rajonie Adesy pakul niama i prykmietaŭ, što takaja chutka pačniecca, niama taksama.
Rasijskija Pavietrana-kaśmičnyja siły pa-raniejšamu nie kantralujuć pavietranuju prastoru nad Ukrainaj. Ukrainskija bajavyja samaloty i viertaloty lotajuć, SPA dziejničaje. Pry hetym abodva baki panieśli straty ŭ bajavych samalotach, viertalotach i srodkach SPA.
Pientahon nie moža paćvierdzić fakty prymianieńnia Rasijaj kasietnych i termabaryčnych bojeprypasaŭ, a taksama fakt skidańnia rasijskaj avijacyjaj 500-kiłahramovaj bomby na Čarnihaŭ.
Nie moža jon paćvierdzić i pryzyŭ reziervistaŭ u Rasii.
